Milani është gati të hapë një dosje e re në ditët e fundit të mercatos. Fabrizio Romano ka zbuluar se klubi rossoner takoi agjentin portugez Jorge Mendes. Ky i fundit përfaqëson tashmë dy prej blerjeve verore të Djallit, Ramos dhe Moreira. Kësisoj, lind pyetja nëse takimi mund të sjellë edhe një blerje të tretë të madhe. Sipas burimeve, fokusi kryesor këtë herë do të jetë mbrojtja, ku Milani ka nevojë ekstreme për forca shtesë. Afati i mercatos mbyllet më 1 shtator në orën 20:00, kështu që koha po ngushtohet ndjeshëm.
Tri emrat që Mendes vuri në tryezë
Megjithatë, çështja nuk është aspak e thjeshtë, edhe pse në listën e mundshme qëndrojnë tri profile të ndryshme. Fillimisht përmendet Tiago Gabriel, mbrojtës klas 2004, i cili i ka bindur të gjithë me performancën e tij te Lecce në Serie A. Kontrata e tij skadon në qershor 2027 dhe vlerësohet rreth 15 milionë euro nga Transfermarkt. Për më tepër, pagesa e tij aktuale prej 180 mijë eurosh në sezon nuk përbën asnjë pengesë financiare për klubin.
Ndërkohë që emri i dytë, a ii Leny Yoro shfaqet ndoshta për here të pare në listë. Bëhet fjalë për mbrojtës francez klas 2005 që tashmë numëron 66 paraqitje me Manchester United. Vlera e tij shkon në 50 milionë euro, ndërsa kontrata deri në qershor 2029. Pavarësisht kësaj, paga e tij vjetore prej 3,9 milionë eurosh e bën transferimin më kompleks për buxhetin rossoner.
Por, një lajm që ne e kemi dhënë edhe më pare, është edhe një yll i konsoliduar futet në lojë: Rúben Dias. Portugezi, klas 1997, i cili konsiderohet një nga shtyllat kryesore të Manchester City prej vitesh. Sipas Transfermarkt, vlera e tij shkon në 55 milionë euro, kurse kontrata skadon në qershor 2029. Krahasuar me të tjerët, paga e tij prej 6,1 milionë eurosh neto e bën operacionin realisht të vështirë.
Vazhdimisht, drejtuesit rossonerë po analizojnë me kujdes çdo alternativë financiare. Si rezultat, çdo vendim do të varet nga ekuilibri mes ambicies sportive dhe qëndrueshmërisë buxhetore. Sigurisht, prania e Mendes në tavolinë e bën gjithçka më të mundshme se sa dukej më parë.
Ëndrra vs realitetit: cili emër ka më shumë shanse?
Natyrshëm, kur analizohen shifrat, disa profile duken më afër ëndrrës sesa realitetit konkret. Rúben Dias dhe Leny Yoro përfaqësojnë objektiva ambicioze, por me kosto shumë të larta për momentin. Në përgjithësi, klubet e mëdha nuk lëshojnë lehtë lojtarë të një niveli të tillë në mes të sezonit.
Në realitet, Tiago Gabriel shfaqet si opsioni më i arritshëm për Milanin. Kostoja e tij më e ulët, mosha e re dhe paga e përballueshme e bëjnë profilin logjikisht më tërheqës. Gjithashtu, përshtatja e tij e mundshme në kampionatin italian do të ishte më e lehtë, pasi ai njeh tashmë Serie A-në.
Fatkeqësisht, asnjë prej këtyre skenarëve nuk mund të konsiderohet ende i sigurt. Të gjitha mbeten hipoteza deri në momentin e nënshkrimit të mundshëm të një marrëveshjeje zyrtare. Madje, vetë Romano thekson se takimi mund të prodhojë edhe zhvillime të tjera të papritura. Për shembull, Mendes mund të propozojë edhe profile jashtë listës së tij personale të klientëve.
Roli i superagjentit Mendez në kontaktet me Djallin
Konkretisht, roli i agjentit portugez shkon përtej thjesht përfaqësimit të lojtarëve të vet. Ai shpesh vepron si ndërmjetës për transferime të treta, duke lidhur klube dhe interesa të ndryshme. Kështu, prania e tij te tavolina e bisedimeve rrit gjasat për zhvillime shtesë në ditët në vijim.
Për momentin, drejtuesit e Milanit, përfshirë Gerry Cardinale, po vlerësojnë me kujdes çdo hap të mundshëm. Ekipi teknik i klubit dëshiron një mbrojtje më solide përpara fazës vendimtare të sezonit. Si pasojë, çdo lëvizje në këto ditë të fundit mund të ndikojë drejtpërdrejt në ambiciet e sezonit. Tifozët rossoneri presin me padurim përditësimet e ardhshme mbi këtë dosje delikate të mercatos.
Paralelisht, edhe skuadrat rivale ndjekin me vëmendje çdo zhvillim rreth mbrojtjes së Milanit. Kjo garë e fshehtë mund të ndikojë edhe në ritmin e negociatave me Mendes. Për më shumë analiza dhe përditësime mbi merkaton Milan, vizito Milanistat.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
