Milani po përjeton orë vendimtare lidhur me të ardhmen e Rafael Leaos. Sulmuesi portugez duhet të zgjedhë mes ofertave nga Aston Villa dhe Galatasaray. Megjithatë, largimi i tij nga klubi rossonero konsiderohet tashmë çështje e mbyllur. Për këtë arsye, drejtuesit e Milanit po kërkojnë me shpejtësi një zëvendësim të përshtatshëm në repartin ofensiv.
Sipas gazetarit Tom Collomosse të Daily Mail Sport, Milani ka shprehur interes për Omari Hutchinson. Futbollisti anglez luan aktualisht për Nottingham Forest në Premier League. Konkretisht, vetë lojtari do të ishte i hapur ndaj një transferimi te klubi rossonero. Formula e mundshme e operacionit përfshin një huazim me detyrim riblerjeje, nëse Milani vendos ta ndjekë seriozisht pistën. Hutchinson është krah i djathtë i klasës 2003, i aftë të luajë edhe si trekuartist. Sipas Transfermarkt, vlera aktuale e tij arrin në 30 milionë euro.
Statistikat e Hutchinson sezonin e kaluar
Të dhënat e fundit nga Sofascore ndihmojnë të kuptohet niveli aktual i futbollistit anglez. Konkretisht, Hutchinson ka luajtur 31 ndeshje në Premier League, prej të cilave 17 si titullar. Në total, ai ka grumbulluar 1694 minuta në fushë, mesatarisht 55 për ndeshje. Megjithatë, vetëm një gol shënuar kundrejt një vlere të pritur (xG) prej 1.94 tregon njëfarë mungese efikasiteti.
Krahasuar me gollat, kontributi i tij në asistime rezulton më i qëndrueshëm gjatë sezonit. Pesë asistime reale, përballë 3.91 asistimeve të pritura, konfirmojnë cilësinë e tij krijuese. Gjithashtu, lojtari ka krijuar tetë raste të mëdha shënimi për shokët e skuadrës. Mesatarisht, Hutchinson realizon 1.1 pasime kyçe dhe 32.5 prekje topi për ndeshje. Për më tepër, ai arrin 1.3 driblime të suksesshme për takim, me një përqindje suksesi prej 52 për qind.
Karakteristikat teknike të Hutchinson
Hutchinson përfaqëson një trekuartist modern me cilësi driblingu shumë të mira në hapësira të ngushta. Në fakt, agjilitetin dhe vizionin e lojës i konsiderohen pikat e tij më të forta. Ai luan me këmbë të kthyer, pasi këmba e majtë mbetet arma kryesore e tij. Natyrshëm, prirja e tij është të hyjë brenda fushës për të shutuar me rrotullim drejt shtyllës së dytë.
Në duelet një kundër një, Hutchinson rezulton veçanërisht i rrezikshëm si nga vendi ashtu edhe në rihapje. Po ashtu, ai lexon mirë hapësirat mes linjave, duke gjetur me sukses verikalizimet për shokët e lirë. Kësisoj, edhe pa topin në këmbë, ai kontribuon aktivisht në presionin e lartë të skuadrës. Këto cilësi përputhen natyrshëm me filozofinë ofensive të Ruben Amorimit te Milan. Në skemën 3-4-2-1 rossonere, ai do të luante si trekuartist i djathtë me këmbë të kthyer. Do të shihet nëse Hutchinson bëhet objektivi final i merkatos verore për sulmin.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
