OPINIONI REDAKSIONAL nga Milanistat.com
Koha për të Pastruar Grupin dhe për t’i besuar të rinjve!
Nuk ka më vend për sentimentalizëm fals apo për vonesa administrative në zyrat e Casa Milan. Milani ka nevojë urgjente për një rindërtim radikal, të guximshëm dhe pa asnjë kompromis me të shkuarën.
Lajmet që vijnë nga merkatoja për largimin e mundshëm të Fikayo Tomori nuk duhet të na tutin asfare. Cikli i mbrojtësit anglez në Milano ka përfunduar natyrshëm që në momentin kur siguria e tij në prapavijë u zëvendësua nga pasiguria taktike. Nëse klube nga Premier League janë të gatshme të paguajnë 15 apo 20 milionë euro, ky çmim duhet pranuar pa asnjë hezitim. Me ardhjen e Mario Gila dhe profilin e ri të Sankhoun Diawara, prapavija fiton freski, forcë fizike dhe disiplinë taktike. Nga ana tjetër, insistimi i Ruben Loftus-Cheek për të bllokuar shitjen e tij tregon profesionalizëm, por Milanit i duhet dinamizëm modern, jo lojtarë që mbeten shpesh peng i problemeve fizike. Dhe le të flasim hapur për linjën e sulmit: nëse e ardhmja e Rafael Leao është në dilemë, klasi dhe talenti i Franco Mastantuono përfaqëson pikërisht atë vizion që na duhet! Një djalosh i lindur në vitin 2007 me atë këmbë të majtë magjike mund të jetë simboli i ri i një Milani modern, vizionar dhe fitues. Tani është momenti që drejtuesit tanë të tregojnë karakter kuqezi në çdo marrëveshje!
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
