Zirkzee, nga nesër tjetër muzikë… Lukaku, Rabiot, Thiaw, Buongiorno apo Calafiori…

Nga nesër do të mund të ushtrohet klauzola çliruese për të marrë Joshua Zirkzee: mund ta bëjë Milani, mund ta bëjnë edhe klubet e tjera të interesuara. Të shohim nëse do të jetë java vendimtare, pas një faze të gjatë dhe delikate ngërçi me agjentin e tij. Ndërsa të martën kundër Rumanisë mund edhe të përfundojë Evropian i holandezit.

Ndërkohë në orbitën Milan ka qarkulluar emri i Romelu Lukakut: lëvizje strategjike kjo për t’i bërë presion agjentit Kia apo të jetë vërtetë një interes real?

Ndoshta të dyja. Sidoqoftë mund ta përjashtojmë idenë që Klubi kuqezi mund, apo më mirë thënë, dëshiron ta blejë belgun: ish Roma dhe Interi mund të vijë vetëm në formë huazimi. Për këtë arsye, në ardhje mund të jetë edhe një tjetër emër për fundin e gushtit, gjithmonë nëse ndërkohë të mos ndodhë që të ndalojë gjetkë, për shembull në Napoli. Mbyllja e çështjes Zirkzee në korrik dhe marrja e Lukakut në huazim në gusht, objektivisht do të ishte maksimumi: është padyshim një ëndërr e vështirë për t’u arritur, për të mos thënë thuajse e pamundur.

Në mesfushë, përveç një futbollisti me karakteristika mbrojtëse, Moncada ëndërron të veshë me ngjyrat kuqezi Adrien Rabiot: kontaktet e para me mamin Veronique datojnë që në fund të majit. Kontrata e francezit me Juventusin skadon sot. Me mundësinë për të përfituar ende nga dekreti i rritjes, paga e Rabiot do të kushtonte pak më shumë se 8 milionë bruto që aktualisht Milani paguan për Bennacer.

Algjeriani është drejt një largimi të mundshëm: mund të sillte në arkat e klubit të rrugës Aldo Rossi të paktën tridhjetë milionë euro: nga ardhja e mundshme e Rabiot dhe largimi i mundshëm i Bennacer, Milani do të përfitonte jo vetëm në eksperiencë, fizik dhe gola, por edhe në aspektin ekonomik.

Në prapavijë, një kthese e mundshme të merkatos e ka emrin Malick Thiaw: interesi i Newcastle është konkret dhe, në rast tymi të bardhë, do t’i mundësonte kuqezinjve arkëtimin, edhe këtu, të rreth tridhjetë milionë eurove. Paratë që mund të përdoren për një goditje të madhe për në qendër, qendër të majtë: ndaj Buongiorno-s është Napoli në avantazh, ndaj Calafiori, Juventusi, por arritur në këtë pikë Milani mund të bëjë më shumë sesa një mendim të thjeshtë. Thiaw është vetëm 22 vjeç dhe ka mundësinë të hedhë disa hapa të mëtejshme rritjeje: personalisht do ta sakrifikoja vetëm për të arritur në një goditje të madhe, si psh, për një nga dy italianët e përmendur më lart, që bashkë me Tomorin mund të përbënte një çift mbrojtëse vërtet të papërshkueshëm. .

Ndërkohë, kuqezinjtë presin me padurim që merkato Milan, pas një qershori dukshëm të pasigurt, të zhbllokohet përfundimisht.