Vlahovic gati për të zbarkuar në Milano, ja çmimi i akorduar: dalin prapaskenat e reja

Eksperti i njohur i merkatos ka zbuluar lëvizjet pas kuintave që po bëjnë njerëzit e merkatos Milan për të mundësuar ardhjen e sulmuesit

Milani është aktivisht i angazhuar në përforcimin e skuadrës për sezonin e ardhshëm, me vëmendje të veçantë repartin ofensiv dhe mesfushën. Klubi Rossoner po vlerëson opsione të ndryshme për të përmirësuar cilësinë dhe thellësinë e skuadrës. Në këtë kontekst një rol vendimtar mund të luajnë negociatat me Juventusin dhe Torinon.

Ricci dhe Vlahovic, afera e dyfishtë e mundshme

Shumë po lëvizet për mesfushorin Samuele Ricci, të cilit Milani po përpiqet t’ia ulë vlerësimin prej 30 milionë eurosh të propozuar nga Torino. Gjithashtu klubi Rossoner ka treguar interes edhe për të riun Bondo, i cili mund të futet si homolog teknik për të lehtësuar blerjen e Riccit. Nëse negociatat do të shkonin mirë, Milani mund të forconte ndjeshëm mesfushën e tij me Riccin. Përfshirja e Bondos mund të jetë një veprim strategjik për të marrë një akord të favorshëm me Torinon. Klubi Rossoner vazhdon të punojë në disa fronte njëherësh për të ndërtuar një skuadër konkurruese për sezonin e ardhshëm.

Shifrat e Vlahovic Sipas zbulimit të gazetarit dhe ekspertit të njohur të merkatos, Andrea Longoni, në kanalin e tij YouTube “Milan Hello”, Milani po përpiqet të sigurojë Dusan Vlahovic për një shifër rreth 20 milionë euro. Juventusi, i dëshiruar për ta hequr qafe qendërsulmuesin serb, do të ishte i gatshëm të negocionte edhe në këto kushte. Longoni thotë se: “Kam një konfirmim të mëtejshëm të ardhur nga Torino, Milani po përpiqet të transferojë Nunez për ta lënë në stand-by Vlahovicin, për pagën. Më kanë siguruar se Juventusi, për të hequr qafe Vlahovicin, i cili dje shënoi nga një penallti në Botërorin për Klube, do të ishte i gatshëm t’ia jepte Milanit për 20 milionë euro”.