Nëse fillimisht Paulo Fonseca (“me këtë Milan më duket sikur po jetoj në një lisharës”) dhe tani Sergio Conceiçao (“jam i shqetësuar dhe po mendoj se çfarë të bëj për të ndryshuar ambjentin brenda dhe jashtë dhomës së veshjes”) gjenden në harmoni të përsosur në gjykimin e anës së errët të Milanit, atëherë ka pak për të diskutuar.
Për të qenë të qartë: nëse mjeku i parë specialist i thirrur në shtratin e pacientit nënshkruan një diagnozë që konfirmohet përpikmërisht nga specialisti i dytë, atëherë problemi nuk është më mjeku, por pacienti. E në rastin tonë, karakteristikat e Milanit që dokumentojnë lëkundjen e vazhdueshme midis “zbritjeve dhe ngjitjeve të guximshme”, pa gjurmuar kurrë një trajektore konstante që të zgjasë më shumë se një javë. Përjashtim nga ky rregull ishte gjatë sprintit final të sezonit të Scudettos 2022 me Pioli si trajner dhe Maldini-Massarën në krye të zonës teknike.
Që atëherë, veçanërisht dy eksponentët kryesorë, Theo Hernandez dhe Rafael Leao (plus Mike Maignan për shkak të problemeve fizike), kanë jetuar gjithmonë në një lisharës. Por nuk është ky i vetmi “virus” me të cilin Conceiçao është i detyruar të bëjë llogaritë. Ka më shumë dhe që natyrisht ka të bëjë me ndërtimin veror të skuadrës (dhe strukturën teknike operacionale të klubit që aktualisht është ende pa një drejtor sportiv).
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Dikur – këtu në milanistat.com – u theksua nevoja për zëvendësimin që në largimin, menjëherë, të Giroud dhe Kjaer, dy liderët e padiskutueshëm, po me dy përfaqësues të racës speciale që është një nga karakteristikat e domosdoshme për rritjen e një organike plot me talente premtues.
Ibra dhe Kjaer, të ardhur në janar 2020, ishin çelësi i kthesës gjatë Piolit të parë për të rritur intensitetin e stërvitjes duke ndërthurrur dy lider të njohur dhe të respektuar, jo të zgjedhur. Morata ishte një përpjekje e ndrojtur për të korrigjuar situatën, ardhja e rradhës e Walker nga City, është një konfirmim se ai boshllëk duhet plotësuar.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Tani të gjithë sytë janë drejt merkatos, për të parë vullnetin e vërtetë – të pronarësisë dhe të zonës teknike – për të korrigjuar gabimet e bëra. Walker është “arna” e parë: por vetëm ai nuk mjafton. Diskutohet shumë për dobinë strategjike të shitjes së Tomorit, gjithnjë te Juventusi, duke forcuar rivalin që sapo e ka larguar Milanin jashtë nga lufta për zonën Champions. Tomori nuk është Nesta, shifra eventuale prej 30 milionësh për t’u arkëtuar do të ishte e dobishme, por pyetja vërtetë për çështjen është: me ato para do të mundnin heronjtë tanë të merrnin një tjetër qendërmbrojtës me vlerë teknike të njëjtë ose edhe më të madhe?
