Allegri-United: bien kuotat
Amorim ka përfunduar në bankën e të të akuzuarve dhe pas vetëm gjashtë muajsh te United mund të shkarkohet. Klubi po vlerëson gjithçka, përfshirë zëvendësuesit e mundshëm dhe emri i Allegrit është pikërisht midis tyre.
Madje, agjencitë angleze të basteve besojnë verbërisht mbi mundësinë që trajneri livornez të ulet në stolin e Manchester United, aq shumë sa kuotat që Allegri të jetë trajneri i ri i “Djajve të Kuq” kanë rënë ndjeshëm ditët e fundit, në 1:4. Sigurisht, trajneri italian është i tërhequr nga një eksperiencë në Premier League, por ai e di edhe se sa ndërlikime mund të shkaktojë pranimi i propozimit të mundshëm dhe zbarkimi për herë të parë në Angli.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Situatë e ndërlikuar, gjithsesi, me Allegrin, që do të duhet të kalojë ditët e ardhshme duke dëgjuar të gjitha propozimet e mundshme dhe më pas të vendosë se cilën konsideron më të përshtatshmen. Në Angli janë të bindur që zgjedhja e trajnerit do të mund të jetë Manchester United, por në Itali, nga Milani te Napoli, nuk e kanë humbur ende shpresën. Vetëm edhe pak ditë dhe pastaj do të kemi përgjigjen përfundimtare: a do të jetë Allegri kuqezi surpriza e këtij fundsezoni?
