Milani do të bëjë disa lëvizje në hyrje, në të tre repartet, mbrojtje, mesfushë dhe sulm. Një, vëmendje, një prej të cilëve është Luka Modric, fenomen, 40 vjeç po, por një fenomen, i cili sezonin e sapombaruar nuk humbi asnjë seancë stërvitore dhe regjistori 57 ndeshje, me 2846 minuta të luajtura (600 më shumë se një sezon më parë), 4 gola dhe 9 asiste. Në mesfushë do të ketë ardhje, por jo i miri Samuele Ricci, me gjithë respektin. Asnjë negociatë nuk ka dështuar, por thjesht Ricci është një emër i muajve të kaluar, teksa ndërkohë orientimet e zonës teknike Rossonere mund të kenë ndryshuar. Në mesfushë, ndonjë surprizë. Ndoshta si Tijji, ndoshta menjëherë pas “atij” Reijnders të verës së 2023.
Dy vjet më parë, teksa po lëshonim lot për lamtumirën e Sandro Tonalit, askush nuk e dinte kush ishte ai djalosh holandez i AZ, që do të vinte një muaj më pas, falë burimeve derivante nga operacioni me Newcastle, për të na bërë që të shihnim gjëra të mrekullueshme.
