“Theo jashtë skuadre deri në qershor”, dënim shumë i rëndë: shumë i fortë propozimi i milanistit të njohur

Milani u eliminua nga Champions League edhe dhe mbi të gjitha për shkak të Theo Hernandez, një fakt që nuk mund të anashkalohet. Ibra, së bashku me drejtuesit kuqezinj, shkuan në Milanello për të bërë një takim urgjent me skuadrën dhe trajnerin. Ajo që ndodhi kundër hollandezëve konsiderohet e papranueshme dhe gjatë këtyre orëve është zbuluar edhe se ku dhe për sa do të largohet Theo verën e ardhshme. Ndërkohë, tifozët, të zhgënjyer prej një sezoni që rrezikon të përfundojë edhe më keq se si është zhvilluar deri tani, janë gati për luftë. Klima në casa Milan është e tensionuar dhe nevoja për një ndryshim drejtimi është më urgjente se kurrë.

 “Theo jashtë skuadre deri në qershor”: një ndëshkim shumë i rëndë

Tifozët kuqezinj nuk mund ta falin Theo Hernandez për kartonin e kuq që mori kundër Feyenoord, një gabim që e dënoi përfundimisht Milanin me eliminimin nga Champions League. Pas një sezoni të shënuar me më shumë ulje se sa ngritje, performanca kundër hollandezëve ishte si ajo kashta që i theu shpinën devesë. Edhe Matteo Salvini, tifoz i njohur kuqezi, e ka sulmuar ashpër mbrojtësin në rrjetet e tij sociale, duke deklaruar: “Theo, kërko falje. Jashtë skuadre deri në qershor”. Një mesazh i fortë që rrezikon pasqyron zhgënjomin dhe hidhërimin e tifozëve, tashmë të lodhur nga paraqitjet joadekuate dhe gabimet vendimtare.

Pozicioni i Milanit dhe Ibrës

Ndërkohë Ibra, me çmimin satirik “Tapiro d’Oro” në dorë, të dorëzuar nga i mirënjohuri Valerio Staffelli, përsëriti besimin e tij te Sergio Conceição, duke theksuar rëndësinë e gjetjes së unitetit dhe shpirtit të skuadrës për të kapërcyer këtë moment të vështirë. Suedezi vuri në pah edhe cilësinë e punës së deritanishme të trajnerit portugez, duke nënvizuar sesi, pavarësisht vështirësive të fundit, Conceição solli në shtëpi Superkupën e Italisë më 6 janar në Riad, një sukses që nuk mund të harrohet. Ibra i bëri thirrje skuadrës që të mbetet e përqëndruar dhe gati për të reaguar, duke pranuar se tani është koha për të treguar forcën e vërtetë të grupit.