Milan-Feyenoord është shënjuar pashmangshmërisht në mënyrë negative prej përjashtimit të Theo Hernandez në fillim të pjesës së dytë: si i paralajmëruar, pasi pati marrë më parë një karton të verdhë në fund të pjesës së parë, në pjesën e dytë francezi kompletoi katastrofën duke marrë kartonin e dytë për një simulim, të ngathët dhe të parashikueshëm. Pasi u reduktua në 10 lojtarë, Milani humbi gjithnjë e më shumë terren, derisa holandezët barazuan, gjë që vulosi edhe eliminimin e kuqezinjve nga Champions League.
Francezi, dje pasdite, i kërkoi falje skuadrës dhe tifozëve këtë pasdite nëpërmjet një postimi në Instagram: “Futbolli është i paparashikueshëm: na ofron gëzime të mëdha, por edhe momente të dhimbshme. Sot ndjej një zhgënjim të pafundtë. I kërkoj falje shokëve që i lanë në 10 dhe u kërkoj falje tifozëve që na mbështesin gjithmonë. Por ky klub është një familje dhe do të ringrihemi, së bashku. Unë për së pari. Forca Milan”.
