Theo Hernandez rikthehet, por pa rinovim: do flitet në shtator. Si mund të bindet nga Milani?

Gjashtë sezone rradhazi te Milani. Theo Hernandez është një nga pesë të mbijetuarit e skuadrës që filloi sezonin 2019/2020, fillimisht nën drejtimin e Giampaolo dhe më pas duke vazhduar nën drejtimin e Piolit. Ju kujtohen të tjerët? Matteo Gabbia, Rafael Leao, Davide Calabria dhe Ismael Bennacer. Për të gjithë është paksa si viti zero pas lamtumirës së trajnerit emilian pas një eksperience të gjatë dhe të frytshme me kuqezinjtë.

Për të gjithë, po, por për francezin ndoshta pak më shumë. Po, është e vërtetë, Davide Calabria është ai që në nivel kontraktual po ia del “më keq” sepse marrëveshja e tij skadon në qershor 2025. Por Calabria, (nëse na lejon!), nuk e ka tërheqjen ndërkombëtare që ka një lojtar si numri 19, në skadencë kontrate në qershor 2026. Fillimi i sezonit me më pak se dy vjet kontratë është i veçantë dhe i rrezikshëm për klubin që sheh, nga larg, rrezikun e humbjes së një prej aseteve të tij kryesorë. Nga larg, sepse nuk koha mungon dhe ndoshta as vullneti i lojtarit për të qëndruar në vendin që e priti, e rriti dhe e ngriti në mbrojtësin e majtë më të mirë në botë.

More Read

Leeds-Milan/ Gimenez, është rradha jote: e para për Ardon dhe Luka

Milan, të grumbulluarit për sfidat kundër Leeds dhe Chelsea: mungojnë dy lojtarë

AC Milan, Jashari është numri i ri 30: ja kush e ka veshur këtë fanellë përpara tij

“Shtrëngim duarsh”, e bujshme Milan: punë e kryer rikthimi

Milan, Capello: “Jashari, është i një tjetër lloji. Gimenez, disa dyshime. Vlahovic..”.

Në faqet e Il Giornale kolegët e të përditshmes kanë zbuluar se në klubin e rrugës Aldo Rosi po flitet prej disa kohësh për negociatat mbi zgjatjen e kontratës së Theo Hernandez. Ajo që kanë zbuluar kolëget është se javët e fundit është konfirmuar dhe hapja e lojtarit drejt këtyre negociatave dhe për këtë arsye lajmi bëhet më konkret.

Megjithatë, gjithçka do të diskutohet gjerë e gjatë në shtator, pas mbylljes së merkatos. Siç jemi ndalur shpesh për të nënvizuar, janë shumë operacionet që klubi do të duhet të mbyllë në këtë muaj gushti, ndaj kushtimi i kohës për zgjatje kontrate nuk është në rendin e ditës.

Ideja e kuqezinjve duket se është ajo e një propozimi për rinovim mbi bazën e 6 milionëve deri më 2028. mbetet për t’u kuptuar çështja e shiritit të kapitenit, sepse me largimin e Kjaerit, sot vetëm Kalabria mbetet më përpara në hierarkitë kuqezi dhe Davide, me sa dimë është në qendër të negociatave, ndoshta edhe për një shitje të mundshëm, pasi kontrata e tij skadon më 2025.

Theo Hernandez është tashmë pjesë e liderëve dhe sigurisht një nga lojtarët më të mirë në skuadër dhe një rritje page që mund ta bëjë ndër më të paguarit është vetëm një pasojë logjike. Klubet e mëdha evropiane kanë kërkuar informacion për të: për ta blinduar, çështjet nuk do të jenë vetëm ekonomike. Pashmangshmërisht do të nevojitet të bindet përmes përgjegjësisë së tij ndaj projektit të ekipit.

Për Theon, ashtu si për Maignan nga ana tjetër, diskutimet që do të bëjnë diferencën do të ndërmerren pasi të ketë nisur kampionati. Kjo do të thotë që drejtuesit nuk do të ketë kohë e as mundësi për të shumëdiskutuar. Do të duhet të arrihet një marrëveshje shumë shpejt, përndryshe nëse arrihet në 2025 pa marrëveshje, do të kishte probleme për Milanin. Rreziku i humbjes së dy lojtarëve kryesorë ekziston dhe pasojat do të zbrisnin në fushë por edhe më rëndë për sa i përket dëmtimit të imazhit. Shpresojmë që klubi të tregojë menjëherë vendosmëri të madhe.