Terrori i tifozëve të Milanit

Milan, zgjedhje të forta dhe gjithmonë larg asaj që është vullneti i një populli milanist, gjithnjë e më i shqetësuar për largimet e lojtarëve

Jemi përballë një Milani që po çmontohet apo një Milani që dëshiron të riniset me një cikël të ri të targuar Tare dhe Allegri? Përgjigja e parë mund të jepet vetëm pasi të mbarojë merkato dhe jo sot kur nuk ka nisur ende zyrtarisht.

E sigurt është, dhe kësaj nuk mund t’i shpëtojë asnjë, se tifozët e Milanit janë seriozisht të shqetësuar. Një shqetësim që sigurisht nuk lind tani, për shitjet e mundshme të Theo-s, Maignan, përveç asaj të Reijnders që është bërë tashmë.

Marrëdhëniet midis klubit dhe një pjese të mirë të tifozerisë janë në nivelin më të ulët, që nga viti 2022 dhe janë rezultat i shumë ndryshimeve të ndodhura në brendi të botës Milanit: shitje, lamtumira, tërheqje, largime, trajnerë që shkojnë e vijnë, drejtues dhe pronësi që ndryshojnë. Dhe pastaj gjithçka ndjehet mbi performancën sportive. Një performancë që, këtë sezon të sapombyllur, ka qenë e vështirë dhe nganjëherë e pamundur për t’u mbështetur nga shumë tifozë Rossonerë.

Tifozët milanistë

Ndërsa çfarë mbërrin tani, në shpirtrat e tifozëve, është ajo ndjenjë terrori, që pas një besimi padyshim të ulët ndaj klubit, duke e ditur se, edhe sezonin e ardhshëm, ku do niset me një trajner të zotë, të fortë dhe që pëlqehet e me një drejtues të aftë dhe kompetent, vazhdohet të tronditet, këtë herë skuadra, nuk do të sjellë stabilitet, por pasiguri.

Pasiguria jo tek lojtarët që mbeten, por pasiguri edhe në dhomën e ardhshme të zhveshjes së që do të vijë. Po sikur edhe lojtarët e ardhshëm nuk do ta kenë karakterin e duhur për të krijuar një grup të shëndetshëm? Po sikur lojtarët e ardhshëm që do të vijnë nuk do të jenë aq të fortë sa Mike, Theo dhe Reijnders? Duhen besim, por në këtë moment tifozët nuk munden. Përkundrazi…