Jashtë Tijjani Reijnders, brenda Luka Modric. Nëse nuk ka ndonjë kthesë të bujshme, duhet të nisë kështu merkato Milan. Akordi me Manchester City-n për shitjen e mesfushorit holandez mbërriti në orët e fundit: 55 milionë në arkën e Rossonerëve, plus bonuse (të cilat duhet ta çojnë totalin në 70 milionë). Një negociatë që po shkakton mjaft trazira midis tifozëve: jo vetëm për largimin e një lojtari të rëndësishëm, por edhe për shifrat që deklarohen. Edhe vetë Reijnders ka publikuar disa deklarata nga kampi stërvitor i Holandës ku është grumbullur, duke konfirmuar se negociatat janë në një fazë të avancuar: njoftimi zyrtar mund të mbërrijë së shpejti pasi Guardiola e do për Botërorin e Klubeve që do të nisë së shpejti.
Ndërkohë, Igli Tare pati fluturuar në Kroaci për t’u takuar dhe për të finalizuar marrëveshjen me Modric: në moshën 39 vjeçare, mesfushori duhet të firmosë një kontratë njëvjeçare me opsion për një vit të dytë. Por ai nuk është dhe nuk mund të jetë zëvendësuesi i Reijnders: në sezonin e fundit me Blancos, Modric luajti një numër të madh ndeshjesh pavarësisht moshës dhe nuk ka pasur probleme serioze fizike për njëfarë kohe, por është çështje karakteristikash. Tani po kërkohet një mesfushor “box-to-box” dhe Allegri duket se e ka identifikuar njeriun e duhur.
Lexo më shumë
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
