Me mbërritjen e Koni De Winter dhe Zachary Athekame, mbrojtja e Milanit ka marrë përforcimet e kërkuara për të rritur nivelin cilësor dhe numerik në prag të sezonit të ri. Drejtuesit vepruan sipas mundësive, duke i garantuar Massimiliano Allegrit dy lojtarë të gjithanshëm, të gatshëm për t’u përshtatur në mekanizmat e grupit.
Sidoqoftë, vëmendja mbetet e lartë, edhe pse në ditët e fundit të merkatos klubi mund të vendosë të vlerësojë edhe mbi disa mundësi të tjera. Disa agjentë kanë ofruar profile interesante, veçanërisht në huazim dhe në veçanti njëri do të kishte tërhequr vëmendjen e drejtuesve Rossonerëve.
Sugjerim interesant
More Read
Sipas të përditshmes sportive Il Corriere dello Sport, Milani do të kishte kërkuar informacion për Caleb Okoli, qendërmbrojtësin e Leicester City. Klas 2001, ish Atalanta, e njeh mirë Serie A dhe i përshtatet parametrave të kërkuar nga Allegri: i ri, strukturalisht fizik dhe me aftësi të mira markuese.
Emri i tij është sugjeruar përmes ndërmjetësve dhe mundësia e një huazimi me opsion blerjen do të hynte në planet e klubit. “Milani po e vlerëson profilin”, shkruan e përditshmja sportive, duke specifikuar se aktualisht nuk ka negociata të hapura, por ka një interes të vërtetë.
Klubi anglez nuk e ka mbyllur derën, por po pret zhvillimet në fronte të tjera përpara se të marrë një vendim përfundimtar. Okoli do ta mirëpriste një rikthim në Serie A, veçanërisht në një klub të nivelit të lartë si Milani.
Negociata të tjera
Paralelisht, po punohet për ndonjë shitje të mundshme. Leeds United ka shprehur interes për Noah Okafor. Anësori zviceran ka lënë një përshtypje të mirë në parakampionat, por mund të largohet vetëm nëse oferta i tejkalon 10 milionë euro.
Milani nuk ka nxitim dhe po vlerëson me kujdes çdo lëvizje. Samuel Chukwueze mbetet në shënjestrën e Fulham, por kontaktet rezultojnë të ngadalësuara ditët e fundit. Asnjë vendim përfundimtar nuk është marrë, edhe pse përshtypja është se të paktën njëri prej anësorëve sulmues mund të largohet nga Milanello brenda fundit të muajit.
Ndërsa në mbrojtje, mbërritja e mundshme e Okoli do të varet nga situata financiare. Klubi synon të qëndrojë fleksibël, gati për t’i shfrytëzuar mundësitë më të favorshme, por pa e kompromentuar ekuilibrin e arritur deri më tani. Ditët në vijim do të jenë vendimtare në zgjidhjen e nyjeve të fundit.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
