Milan i ka thënë zyrtarisht lamtumirë Tijjani Reijnders, i shitur te Manchester City për 57 milionë euro plus 14 milionë bonuse. Është shitur edhe Marco Pellegrino te Boca Juniors për rreth 4 milionë euro. Pierre Kalulu u ble nga Juventusi për 14 milionë euro. Yunus Musah duket i destinuar për në Napoli: të dy klubet po zgjidhin detajet përfundimtare të një operacioni me vlerë rreth 20-25 milionë euro. Tammy Abraham, Riccardo Sottil, Kyle Walker dhe Joao Felix i kanë dhënë fund huazimeve të tyre te Rossonerët dhe po rikthehen në klubet e tyre përkatëse.
Ndërsa te Milan do të duhet të rikthehen Okafor, Adli, Bennacer, Saelemaekers dhe Pobega, në pritje për të kuptuar se cili prej tyre do të konfirmohet dhe cili do të duhet të gjejë një skuadër të re. Me përjeshtim të ndonjë lajmi të bujshëm, Luka Jovic dhe Alessandro Florenzi, në fund të kontratave që u skadojnë më 30 qershor 2025, duhet të largohen nga Milani.
Këto janë situata pak a shumë të sigurta, pa marrë parasysh zërat e merkatos që kanë të bëjnë me, për shembull, Malick Thiaw, në shënjestër të Bayern Munich dhe Fikayo Tomori, që pëlqehet nga disa klube të Premier League dhe së fundmi Theo, i cili duket se është prishur me ambjentin: për t’u monitoruar negociatat me Atletico Madrid.
Ka më pak se një muaj deri nga grumbullimi në Milanello dhe gjithçka është kryesisht work in progress, me Taren që do të duhet të bëjë një punë të madhe për t’i dhënë Allegrit një skuadër të plotë që të sensin e saj logjik edhe në fushë. Milani vitin tjetër nuk do të garojë në asnjë kompeticion evropian dhe do të luajë vetëm një herë në javë: një organikë prej 22 lojtarësh plus tre portierë do të jetë më se e mjaftueshme. Shkojmë pra e të shohim, duke i ndarë lojtarët sipas rolit, se si cila është përbërja e sotme e skuadrës së Milanit. I theksojmë me shkronja të mëdha ata që duket se po largohen.
Portierë: Maignan, Sportiello, Torriani.
Qendërmbrojtësit: Gabbia, Pavlovic, Tomori, Thiaw.
Mbrojtësit: Florenzi, Jimenez, Theo, Emerson Royal, Bartesaghi, Terracciano.
Mesfushorët: Musah, Loftus-Cheek, Fofana, Bennacer, Adli, Pobega, Zeroli, Bondo.
Anësorë të sulmit: Pulisic, Leao, Okafor, Chukwueze.
Sulmues: Santiago Gimenez, Camarda.
