“Stuhi” te Milani, tani është në pikëpyetje: klubi po shqyrton një vendim drastik, kthesë e pabesueshme në Milanello

Milani del i mundur nga Roterdami me një paraqitje që ta quash pa ngjyrë do të ishte një eufemizëm. Skuadra nuk tregoi mjaftueshëm atë që duhet të jetë dhe nxorri në pah shumë anë të errëta, e paaftë për të ofruar vijimësi në paraqitje. Ky rezultat rrezikon të kompromentojë jo vetëm rrugën evropiane të klubit, por edhe të ardhmen e disa lojtarëve. Në veçanti, është një kuqezi i cili mund të paguajë çmimin më të lartë me një lëvizje të papritur të klubit, që do të reflektohet edhe në merkato. Pas një oferte të parezistueshme nga Real Madrid, Milani po përgatitet të shqyrtojë transferimet e mundshme, ndoshta duke modifikuar edhe strategjinë e tij.

Të gjithë fajtorë, por një kuqezi mbi të tjerët

Nata e Roterdamit tregoi një tablo shqetësuese dhe pak siguruese për të ardhmen e Milanit. Gabimi i Maignan, më i fundit i një sezoni të karakterizuar nga ulje-ngritje, është vetëm kapitulli i fundit i një historie që sot nuk duket se premton një fund të lumtur. Sipas kolegëve të të përditshmes sportive La Gazzetta dello Sport, klubi kuqezi po konsideron një lëvizje të fortë, një vendim që mund të ndryshojë ekuilibret në Milanello. Një strategji që, nëse zbatohet, rrezikon të çojë në një ndryshim rrënjësor, duke vënë në pikëpyetje rolet dhe perspektivat e ardhshme të skuadrës.

Është në dyshim, vendi i tij te Milani nuk është më i sigurt

Kontrata e Maignan, që skadon më 2026, ka qenë objekt negociatash mes lojtarit dhe klubit prej disa kohësh për një rinovim të mundshëm. Synimi i të dyja palëve ishte që të vazhdojnë së bashku, por seria e gabimeve të bëra gjatë këtij sezoni ka sjellë pasiguri te drejtuesit e kuqezinjve. Sipas kolëgëve të ‘La Gazzetta dello Sport’, këto dyshime mund të influencojnë vendime të ardhshme në lidhje me marrëdhëniet profesionale mes Maignan dhe Milanit. Vëmendja tani drejtohet kah muajve të ardhshëm, të cilët mund të jenë vendimtarë për të ardhmen e Mike Maignan brenda ekipit. Milani, një klub me një histori të pasur suksesesh vendase dhe ndërkombëtare, ka pasur gjithmonë pritshmëri të larta nga lojtarët e tij, veçanërisht në pozicione vendimtare, si portierët. Aftësia e Maignan për të rifituar besimin e stafit teknik dhe tifozëve do të jetë kyç për të përcaktuar nëse paraqitjet e fundit do të shihen si një probleme të momentit apo do të çojnë në një reflektim më të madh mbi rolin e tij brenda skuadrës.