Milani ka boërë goditjen tjetër të rradhës. Klubi kuqezi vazhdon në fushatën e tij të përforcimeve pas një fillimi të ngadaltë. Afera e parë, u nënshkrua menjëherë pas përfundimit të Evropianit me Alvaro Moratën, i cili u bë futollisti i ri i Djallit. Megjithatë, spanjolli zbarkoi në Milano vetëm këto ditë pas një pushimi të merituar. Në Milanello pretendojnë se ai tashmë është i gatshëm për fillimin e sezonit dhe do ta shijojmë nesër, në San Siro, për Trofeun Berlusconi.
Do të vinte edhe goditja e dytë e verës, me një farë Pavloviç që mbushi boshllëkun e mbrojtjes, me mungesën e qendërmbrojtësit mëngjërash në skuadër. Vendim e titullarit do ta luajë me Matteo Gabbia, Pierre Kalulu, Fikayo Tomori dhe Malick Thiaw. Por merkato Milan sigurisht që nuk përfundon këtu.
Pas një zvarritjeje të gjatë, në fakt, klubi kuqezi arriti të verë duart mbi Emerson Royal. Tottenhami efektivisht iu dorëzua kushteve të Djallit, duke lejuar shitjen e brazilianit për një shumë prej rreth 15 milionë eurosh plus bonuset. Mbrojtësi anësor i pati thënë po Milanit pak kohë më parë dhe mbizotëroi vullneti i tij.
Kështu pra, Emerso Royal mbërriti në Milano të dielën në mbrëmje, duke zbritur në aeroportin Linate rreth orës 22:00. E mirëpritën madje edhe disa tifozë. Lojtari i buzëqeshur, i shoqëruar nga familjarët e tij, shkuar më pas menjëherë në hotel.
Kështu merr udhë procesi që në mëngjes që do ta çonte lojtarin për të hedhur firmën në kontratë. Më 8.30 u paraqit në klinikën La Madonnina për ekzaminimet mjekësore rituale, më pas do të bëjë një rrugë për në qendrën Ambrosiano për të marrë dritën jeshile të përgjegjshmërisë sportiv, përpara se të transferohet në Casa Milan për të nënshkruar përfundimisht kontratën që do ta lidhë me Djallin. Një marrëveshje për katër sezone, me opsion edhe për një të pestë, pak më pak se tre milionë euro neto në vit.
Gjatë orëve në vijim do të ketë edhe një prezantim për shtypin dhe nuk përjashtohet që mbrojtësi anësor, i cili ka vendosur të veshë fanellën me numrin 22, të jetë për herë të parë në San Siro bashkë me Pavlovic dhe Alvaro Moratën për përqafimin e parë me tifozët e tij të rinj.
