Sky bën njoftimin live: “Trajneri i ri, zgjedhja është bërë!”

Gjatë orëve të fundit në tregun mediatik janë raportuar lajme mbi një afrim të mundshëm midis Milanit dhe Roberto De Zerbit, i cili vetëm pak ditë më parë është larguar përfundimisht nga Brighton, në Premier League. Në mënyrë të veçantë, kolegët e Sport Mediaset kanë folur për kontakte – madje edhe pozitive – midis palëve. Kështu ne jemi përpjekur ta gërmojmë më në thellësi situatën de Zerbi, gjatë orëve të fundit, por nga sa kemi mbledhur, tani për tani ka vetëm përgënjeshtrime, si nga ana e Milanit, ashtu edhe nga enturazhi i De Zerbit.

E pra, nëse diçka po gatuhet vërtet në furrë, atëherë është diçka shumë e fshehtë e që – deri më sot – nuk po has në asnjë konfirmim apo konfrontim. Duhet patjetër të mbahet vëmendja tuaj lart, sepse surprizat dhe të papriturat mund të jenë gjithmonë afër. Por nga sa na rezulton, Milani po ecën në të tjera pista. Konfirmimi i kësaj gjëje vjen edhe nga Sky Sport, i cili orët e fundit ka bërë një njoftim absolutisht shumë serioz live: Milani do ta kishte bërë zgjedhjen e tij për trajnerin e ri, ja të gjitha detajet.

Zgjedhja

Ja çfarë ka zbuluar gazetari dhe eksperti i njohur i merkatos Manuele Baiocchini për Sky: “Përpara me Fonsecën: rruga është shtruar, zgjedhja është bërë. Pavarësisht mundësive që merkato mund të ofrojë në këto ditë, si përshembull De Zerbi, pronarët rosonerë duket se synon të vazhdojnë pa dyshime apo hezitime negociatat për të vënë nën kontratë trajnerin portugez. Lille padyshim që është takuar me Fonsecën për t’i rinovuar kontratën. Ai vazhdon të marrë kohë si me Lille ashtu edhe me Marsejën që po e përkëdhel prej kohësh. Pas hezitimeve të Fonseca-s qëndron pikërisht Milani dhe, përpara se të mbyllet dhe ta shpallë, duhet të kalojë një sërë hapash formalë: mbyllja e kontratës së Piolit dhe stafit të tij dhe më pas gjetja e marrëveshjeve përfundimtare Fonsecën. Çështje ditësh, pastaj – me përjashtim të surprizave si Lopetegui – do të vijë momenti për të hedhur të zezën në të bardhë”. Me pak fjalë, sipas Sky zgjedhja do të ishte bërë tashmë, me Fonsecën gati për t’u ulur në pankinën e Milanit. Por të rejat nga kampi kuqezi nuk mbarojnë me kaq.