Skuadra në SHBA, ai do të qëndrojë në Milano: ja vendimi i padiskutueshëm i klubit

Milani do t’i kryejë përgatitjet parasezonale në Shtetet e Bashkuara të Amerikës me tri ndeshje miqësore kundër Manchester City, Real Madrid dhe Barcelonës. Paulo Fonseca ka publikuar listën e lojtarëve të thirrur ku do të duhet të përballet me disa mungesa, me futbollistët e kombëtareve të vendeve përkatëse që do të rikthehen vetëm në fund të gushtit.

Si për shembull Alvaro Morata, i disponueshëm nga 10 gushti, por edhe Maignan dhe Theo Hernandez, të eliminuar nga Euro 2024 pikërisht nga Spanjës e ish Atletico Madridit. Prandaj, kuqezinjtë po përgatiten të përballen me fillimin e një turi të fortë e spektakolar me një skuadër me disa lojtarë të rinj dhe me të tjerë lojtarë në largim.

More Read

Leeds-Milan/ Gimenez, është rradha jote: e para për Ardon dhe Luka

Milan, të grumbulluarit për sfidat kundër Leeds dhe Chelsea: mungojnë dy lojtarë

AC Milan, Jashari është numri i ri 30: ja kush e ka veshur këtë fanellë përpara tij

“Shtrëngim duarsh”, e bujshme Milan: punë e kryer rikthimi

Milan, Capello: “Jashari, është i një tjetër lloji. Gimenez, disa dyshime. Vlahovic..”.

Drejtuesit e Milanit janë aktivizuar për t’i dorëzuar skuadrën në duart e Fonsekës sa më të plotë, me blerjen e një qendërmbrojtësi dhe të një mesfushori. Pavloviç dhe Fofana janë në shënjestër, por ende nuk është arritur një marrëveshje me Salzburgun dhe Monakon.

Për më tepër, klubi kuqezi po vlerëson edhe mundësinë e blerjes së një mbrojtësi anësor. Është Emerson Royal emri që intrigon më shumë Milanin, edhe sepse situatat kontraktuale të Davide Calabria dhe Alessandro Florenzi imponojnë vlerësime të kujdesshme, veçanërisht atë të kapitenit që ende nuk ka arritur një marrëveshje për rinovimin.

Për në turneun amerikan janë nisur edhe Zlatan Ibrahimovic dhe Giorgio Furlani për të qëndruar pranë ekipit dhe stafit teknik. Ndërsa Geoffrey Moncada ka qëndruar në Milano për t’u kujdesur për merkaton. Milani ndodhet në menaxhimin e disa negociatava, siç thamë pak më lart, përveç disa operacioneve të tjera që mund të nisin së shpejti. Si për shembull ai që ka të bëjë me Lazar Samarxhiç, i dëshiruar për t’u larguar nga Udineze dhe për t’u bashkuar me një top klub.

Data e rrethuar me të kuqe për fillimin e sezonit është 17 gushti, kur Milani do të luajë ndeshjen e parë, atë të hapjes së sezonit kundër Torinos. Dëshira e Fonsekës është që të ketë një ekip të plotë në dispozicion, edhe pse do të jetë e komplikuar.

Negociatat po zgjasin gjithnjë e më shumë, veçanërisht sepse klubi kuqezi nuk ka as dëshirën dhe as vullnetin më të vogël për t’i falur miliona të tjerëve, por preferon të presë rastin e duhur.

Një mundësi që mund të vijë nga Torino: Adrien Rabiot mund të jetë mesfushori që do ta transformonte tërësisht repartin e mesfushës së Milanit, por Moncada do të duhet të përballet me konkurrencën e Real Madridit dhe për më tepër të negociojë me një futbollist për një pagë që të paktën teorikisht kërkon 10 milionë euro në vit.