Kanë mbetur edhe 20 ditë deri në fillimin e kampionatit. Skuadra ka dhënë përgjigje pozitive gjatë turneut të fundit, veçanërisht në nivelin e fazës mbrojtëse, duke demonstruar unitet dhe përkushtim ndaj projektit të ri. Janë të shumta deklaratat e entuziazmit për Massimiliano Allegrin nga futbollistët. Jo thjeshtë vetëm fjalë boshe, por shprehje të vërteta respekti dhe stime, diçka që një vit më parë nuk na kujtohet për Fonsecan. Por, përtej deklaratave publike, rezulton edhe një vlerësim i grupit jo vetëm për trajnerin e ri, por edhe për stafin e tij, i konsideruar nga skuadra i një niveli vërtet të lartë (ndryshe nga të fundit). Shkurt, perspektivat për fushën duken shumë të mira.
Por, nëse i hedhim një vështrim merkatos, me keqardhje konstatohet se si boshllëqet dhe mangësitë e deridjeshme vijojnë të jenë të dukshme ende, edhe në momentin që po shkruajmë. Sot, mungon mbrojtësi i djathtë titullar: absurde, po të mendosh se jemi në 3 gusht dhe kampionati fillon më 23. Pastaj është kapitulli Jashari. Gjatë orëve të ardhshme, do të kuptojmë, pas pas summit-it mes Furlanit, Tares dhe Allegrit, nëse Milani do të vazhdojë ndjekjen e talentit zviceran apo do të vendosë të ndalet. Komentet e Branchinit, agjentit të trajnerit, mbi Jasharin (“Nuk jam as aq i sigurt nëse brenda klubit janë të gjithë aq dakord për këtë operacion”, red.) nxisin dyshime të rëndësishme për mosmarrëveshje brenda klubit.
Tare çmendet pas zviceranit, por në fund do të vendosë Furlani. Tare deshi edhe Xhakën, por në fund vendosi Furlani. Tare pati folur edhe për mbërritjen e mundshme të dy lojtarëve të tjerë ekspertë përveç Modric, por sot nuk shihen gjëkundi dhe në fund, do të vendosë Furlani. Tare pati folur me entuziazëm të madh edhe për Liberalin, në nëntor 2024. “Jam një fan i tij, më pëlqen shumë. Është një lojtar që kur e pashë për herë të marë më dha diçka të rëndësishme, u emocionova teksa shihja një lojtar kaq të ri të luante me një personalitet kaq të madh, edhe në përgatitjen verore të Milanit në Amerikë kundër skuadrave të mëdha si Real Madridi dhe Barcelona. Nuk e bëjnë të gjithë. Edhe ai është një i ri që mund t’i japë shumë futbollit italian”.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Është e habitshme të mendosh se djaloshi aktualisht është në largim. Thuhet se ai nuk ka dëshurë të qëndrojë më për shkak të mënyrës se si është menaxhuar nga Milani. Nëse do të ishte kështu, një drejtor i ri sportiv që çmendet pas tij duhet t’i ndryshojë mendje, apo, në rastin më të keq, t’i plotësojë dëshirat, duke ruajtur kontrollin. Ndjesia, a ndoshta diçka më shumë se një ndjesi, është se diçka ka ndryshuar, por që në fund të fundit, asgjë nuk ka ndryshuar: në fund, vendos gjithçka Furlani.
