Janë orë emocionesh të mëdha këto për Milanin dhe për këtë merkato që më në fund duket se po merr hov. Deri më sot, ka pasur vështirësi të mëdha, ato të zakonshmet që kanë karakterizuar seksionet e fundit të merkatove: kohë të gjata, ide të gabuara dhe para të shpenzuara shumë keq. Ndërsa tani, edhe falë mbërritjes së Igli Tares, Milani duket se po i merr gjërat më seriozisht: me problemet e zakonshme që lidhen me planifikimin dhe kohët, por tani, kur jemi në fillim të gushtit organika duket thuajse e plotë (me përjashtim të ndonjë transferimi që duhet bërë patjetër).
Një temë shumë e nxehtë e këtyre ditëve të fundit ka qenë edhe rikthimi i bujshëm i Adriano Gallianit: me shitjen e Monzës te fondi amerikan, që do të finalizohet në shtator, krahu i djathtë historik i Berluskonit do të jetë i lirë dhe nga këtu lind edhe mundësia e një bashkëpunimi të tij me RedBird. Deri më tani, janë vetëm fjalë dhe zëra korridoresh, por të konfirmuara nga disa burime. Tani, ka mbërritur edhe lajmi i rëndësishëm i publikuar nga Matteo Moretto.
Galliani rikthehet te Milani, vjen konfirmimi: detajet
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Le ta sqarojmë menjëherë: është gjithçka e vërtetë. Rrugët e Gallianit dhe Milanit po kryqëzohen sërish pas lamtumirës më 2017, kur pronësia e klubit kaloi nga Berlusconi te kinezi Yonghong Li. Nga ai moment shumë ujë ka rrjedhur: Milan kaloi fillimisht te Elliott dhe më pas te RedBird i Gerry Cardinale, ndërsa ndërkaq, ish pronari i Rossonerëve bleu Monzën dhe Galliani, sigurisht, që pati qenë administratori i deleguar i saj.
