Milani, pas fitores ndaj Gironës, në Champions League, rikthehet me energji të madhe në merkato. Në kampionat, tashmë po shikon përpara ndeshjen e së dielës, atë kundër Parmës, e cila do të luhet sërish në San Siro. Një ndeshje dreke për të mos gabuar për të vazhduar rrugëtimin drejt kreut, me skuadrën e thirrur për t’iu përgjigjur me një tjetër paraqitje bindëse pas fitores në Europë. Në ndeshjen e parë, Parma u shfaq si një meteorë e vërtetë në një takim që vuri në pah vështirësitë e para të mëdha të një Milani, i cili do të rrëzohet edhe herë të tjera gjatë sezonit, pas Tardinit. Të dielën në San Siro, do të jetë mundësia e duhur për të shlyer rezultatin e ndeshjes së parë.
Në planin e merkatos, pavarësisht ardhjes së Kyle Walker, Ibrahimovic nuk ndalet më dhe po përgatit një lëvizje të bujshme, një akord që ka potencialin t’i lërë të gjithë pa fjalë. Kuqezinjtë janë gati të shpërthejnë edhe një herë, duke synuar të përforcojnë skuadrën me një emër vërtet me peshë. Dëshmi vërtet e fortë se sa shumë Milani dëshiron të aspirojë për diçka të rëndësishme dhe se pozicioni aktual në renditje nuk i kënaq kuqezinjtë.
Ibra negocion shkëmbimin e Moratës me Juventusin
Për të ndezur ditët e fundit të merkatos, po qarkullon një lajm vërtet i fortë dhe i bujshëm në disa drejtime. Kontaktet me Juventusin se janë duke u zhvilluar për një shkëmbim të nivelit të lartë, me protagonist Moratën. Një marrëveshje që nëse realizohet, mund të flitet gjatë dhe ta shkundë ambjentin futbollistik. Ibra thuhet se po punon me Giuntolin për të gjetur një zgjidhje për një operacion merkato që do të bëhej negociata mbretëreshë e kësaj merkatoje dimërore. Profilet në fjalë janë të profilit shumë të lartë, siç është edhe vlera e ekuilibreve që një shkëmbim i tillë mund të zhvendosë.
Morata te Juventusi dhe tek Milani….
Në botën e futbollit, merkato mund të rezervojë surpriza të denja për kthesat më të mëdha. Midis tyre, spikat një lëvizje e mundshme në merkato që do të përfshinte dy gjigantët e Serie A: Milanin dhe Juventusin. Flitet për një operacion që mund të hapë një kapitull të ri në strategjitë sulmuese të të dyja skuadrave: një shkëmbim huazimi që do të shihte Alvaro Moratën dhe Dushan Vlahovic të veshin fanella të ndryshme në pjesën e dytë të sezonit. Në qendër të këtij transferimi janë Alvaro Morata i Milanit dhe Dusan Vlahovic i Juventusit. Morata, i paaftë për të shprehur potencialin e tij të plotë me kuqezinjtë, mund të gjejë një shtëpi të re në Torino. Nga ana tjetër, Vlahovic, i cili po has vështirësi të mëdha me një marrëdhënie gjithnjë e më të tensionuar me skuadrën e tij aktuale, mund të zbarkojë në Milano për të ofruar forcën e tij sulmuese. Dialogu për këtë shkëmbim befasues – shkruan Gerardo Fasano i Ruleta Sport – duket se ka filluar nga dy figura kyçe: Cristiano Giuntoli, i njohur për aftësitë e tij në ndërtimin e marrëdhënieve në botën e futbollit dhe Zlatan Ibrahimovic, sulmuesi me përvojë i Milanit, i cili pavarësisht se nuk është i përfshirë zyrtarisht në rolet drejtuese, ka një ndikim të fortë në vendimet e kuqezinjve. Ky dialog mund të përkthehet së shpejti në një pikë kthese të rëndësishme për të dyja klubet.
Nevojat taktike
Ideja e një shkëmbimi lind nga nevoja teknike shumë specifike: Milani kërkon një sulmues me peshë që të mund të rrisë numrin e golave, ndërsa Juventusi, nën drejtimin teknik të Thiago Mottës, do t’i vlerësonte karakteristikat e lëvizshmërisë dhe teknikën e Moratës, duke e parë si ideal për planin e tij të lojës. Ardhja e Kolo Muani te Juventusi nga PSG i shton edhe më shumë dinamikë strategjisë sulmuese të bardhezinjve.
Një lëvizje e guximshme në merkato
Nëse ky shkëmbim arrihet, padyshim që do të përbënte një nga lëvizjet më të guximshme dhe më befasuese të dritares aktuale të merkatos së riparimeve dimëror. Ky do të ishte një operacion nga i cili do të mund të përfitonin të dy lojtarët, duke u ofruar atyre një mundësi të re për të rishfaqur veten dhe në të njëjtën kohë për t’iu përgjigjur nevojave taktike të shprehura nga trajnerët e tyre përkatës. Ky skenar në horizont hedh një dritë interesante mbi mekanizmat e merkatos, ku ndonjëherë një ndryshim ambjenti mund të bëjë diferencën në rilançimin e karrierave. Megjithatë, si në çdo negociatë, do të duhet të presim zhvillimet për të parë nëse ky shkëmbim i guximshëm do të bëhet realitet.
