Pyetja që shumë bëjnë këto ditë ka të bëjë me djaloshin Liberalin, të ‘dhuruar’ nga AC Milan për Catanzaro-n, për një kompensim të pallogaritshëm dhe një rishitje prej 50%, një lloj bashkëpronësie kjo e maskuar. Pyesin: pse AC Milan po shet një nga talentet më të mirë në qarkoullim? Përgjigja është e thjeshtë. Fuqia kontraktuale e lojtarëve, përgjatë viteve është rritur gjithnjë e më shumë. Nëse një klub nuk do që të rrezikojë ta humbasë me zero euro fitim, një lojtar që ka vendosur, në mënyrë legjitime, të mos e rinovojë kontratën e tij në skadencë, ai është i detyruar, kundër vullnetit të tij, ta maksimizojë vlerën e shitjes.
Në këtë rast, nuk ka aq shumë rëndësi vlera thuajse e papërfillshme (rreth 1 milion euro) që përfitoi klubi, por përqindja prej 50% e vlerës së një rishitjeje të lojtarit në të ardhmen. Kjo boshllëk ligjor i lejon Milanit të monitorojë zhvillimin e djaloshit dhe, më pas, të përfitojë përsëri nga një shitje e mundshme fitimprurëse. Në xhunglën aktuale rregullatore, nuk ka zgjidhje të tjera që lejojnë mbrojtjen e logjikës së biznesit të klubit.
Sa lojtarë të humbur pa asnjë përfitim ekonomik që nga viti 2019… Prej dy vjetësh, një përmbysje e trendit. Ja pse Liberali shkon në Catanzaro
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Sa lojtarë ka humbur Milani me zero euro përfitim ekonomik që nga viti 2019? Ekzaktësisht 29, për të qenë të saktë. Bëhet fjalë për Zapata, Bertolacci, Abate, Montolivo, Jose Mauri, Strinic, Reina, Halilovic, Bonaventura, Biglia, Calhanoglu, Donnarumma G, Donnarumma A, Andrea Conti, Mandzukic, Kessie, Romagnoli, Castillejo, Tatarusanu, Ibrahimovic, Rebic, Giroud, Kjaer, Roback, Mirante, Calabria, Florenzi, Jovic, Devis Vasquez. Disa janë larguar për shkak të përfundimit të karrierës apo sepse janë në fazat e fundit të saj.
Ndërkaq, janë disa fusha në të cilat klubi Rossoner mund të kishte bërë arsyetime dhe ndërmarrë vendime të ndryshme nga ato që realisht ndodhën. Rinovimi apo, ndoshta, vendimi për t’i shitur një vit përpara skadimit të kontratave të tyre, qoftë edhe për shuma më të vogla sesa ato të pretenduara. Po flasim për Bonaventurën, Calhanoglu, Donnarumma G, Romagnoli dhe Kessie. Këta ishin pesë lojtarë që, nëse do të shiteshin një vit para skadimit të kontratave të tyre, mund të kishin garantuar përfitime të konsiderueshme financiare. Në planin kontabël, ndikimi në bilanc është zero. Ndërsa, në planin fitimprurës, kjo lloj zgjedhjeje rezultoi në humbje të konsiderueshme, të vlerësuara midis 60 – 90 milionë euro.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Shembujt e Daniel Maldini dhe Brescianini Prandaj është e kuptueshme që klubi Rossoner të maksimizojë në maksimum të gjithë lojtarët që gjenden një vit përparapërfundimit eventual të kontratave respektive. Në këtë kuptim, operacionit Bresciani dhe Daniel Maldini të sezoneve të kaluara të merkatos kanë qenë vërtetë të mira dhe shpresohet që edhe me Liberalin, Milani të arrijë të njëjtin rezultat. Ka gjithmonë një logjikë biznesi në klubet e futbollit në të gjithë botën, kjo nuk mund të injorohet.
