Shifrat përgënjeshtrojnë kritikat: asnjë si Rafael Leao në Serie A

Leao është gjithmonë i kritikuar, por shifrat janë të gjithë në anën e tij: në Serie A askush nuk është si ai

Jo pa vështirësi, Milani mundi një me zero Hellas Veronën dhe mori tre pikët aq shumë të rëndësishme. Me barazimin e Lazios me Napolin vetëm pak orë më parë, skuadra kuqezi po afrohet akoma më shumë dhe ka ende për të bërë ndeshjen kundër Bolonjës. Me pak fjalë, ekzistojnë të gjitha kushtet për të qenë optimist mbi kualifikimin në Champions League e ardhshme, por është e nevojshme të fitohen sa më shumë ndeshje gjatë javëve në vijim. Dhe kjo nuk është diçka e padiskutueshme për një skuadër që nuk është konsistente në performancë dhe rezultate.

Për herë të tretë në katër ndeshjet e fundit, Conceicao zgjodhi të mos e nxirrte Leaon në fushë si titullar. Një vendim që lidhet edhe me gjendjen e portugezit, jo në më të mirën e tij për shkak të një problemi në kyçin e këmbës që po e mban prej disa kohësh. Por, edhe kësaj rradhe, në më të fundmen në rradhë, Leao hyri në fushë në minutën e 45-të, ashtu siç ndodhi edhe ndaj Empolit, dhe edhe në atë rast ishte vendimtar me një gol. Ndërsa kësaj here vërtet nuk shënoi, por firmosi asistin për Santi Gimenez, i shtati i tij në sezon.

Leao assist-man, askush në Serie A si ai

Për Leaon, deri tani, ka qenë një sezon me ulje-ngritje. Edhe me Fonsecën pati përfunduar në stol për disa ndeshje dhe më pas u rikthye më mirë se më parë nga Madridi e këndej. Ardhja e Conceicao ka ndryshuar sërish gjithçka sepse kërkesat janë krejtësisht të ndryshme, por sidoqoftë, ai vazhdon të ndikojë fort, ashtu siç ka bërë gjithmonë. Kur ai në mes, kritikat, për një arsye apo një tjetër, nuk mungojnë kurrë, e megjithatë shifrat janë të gjithë në anën e tij.

Shifrat janë në anën e Leaos

Asisti i djeshëm për Santi Gimenez, siç thamë, ishte i shtati sezon, i 40-ti në karrierë, në pesë kampionatet më të mira. Përsa i përket Serie A, ka arritur në 36 asiste në pesë vitet e fundit. Gjatë kesaj periudhe, më mirë se ai nuk ka bërë askush tjetër. Ai më afër me të është Nicolò Barella me 33 asiste, pastaj vjen Calhanoglu me 32, Berardi me 31 dhe Mhkitaryan me 29. Sidoqoftë, në gjithë këtë duhet patur parasysh se Leao nuk realizon goditjet e lira dhe këndore, siç bëjnë të tjerët e lartpërmendur. Një fakt që i jep shumë vlerë sezoneve të Leaos te Milan, i cili vazhdon të lërë gjurmë kur thirret në kauzë.