Shevchenko në legjendë: “Maldini më i miri. Trajneri më i mirë? Nuk është Ancelotti. Ja futbollistët më të mirë në botë sipas meje”.

I intervistuar në formatin e ri 1vs1 të Goal.com dhe Calciomercato.com, Andriy Shevchenko bëri edhe një udhëtim të shkurtër nëpër momentet më të rëndësishme të karrierës së tij, ku zbuloi mbrojtësit më të fortë ndaj të cilëve ka luajtur, si dhe foli për ish-legjendën dhe ish-drejtuesin e Milanit, Paolo Maldini. Më poshtë të gjitha deklaratat e tij.

Për finalen e Champions League në Mançester kundër Juventusit: “Mançesteri ishte një emocion i pabesueshëm, edhe tani buzëqesh shumë sepse është diçka që të ndodh vetëm një herë”.

Për mbrojtësit më të fortë me të cilët është përballur dhe për Paolo Maldinin: “Ndeshjen time të parë e kam luajtur kundër kombëtares italiane (Ukrainë-Itali, mars 1995, red.) dhe kundër Paolo Maldinit, nuk mund të mos e përmend atë. Atë ditë unë nuk luaja ende si sulmues, luajta pak djathtas, luajtëm në Ukrainë, luajta kundër Paolos dhe kuptova se ishte një lojtar shumë i fortë, shkova te trajneri dhe i thashë “a mund të ndryshoj krahun?”. Shkova të luaja pak në të majtë, por Paolo ishte një lojtar i kompletuar, për mua ai është mbrojtësi më i fortë që ka qenë ndonjëherë”.

Për mbrojtësit e tjerë në listë: “Jaap Stam, një tjetër lojtar shumë i fortë. Inteligjent, kishte forcë fizike. Pastaj John Terry, Thuram dhe Zanetti, duhet të jetë patjetër”.

Për Ronaldon: “Ronaldo është më i forti nga të gjithë, më i forti i brezit tonë. Sepse është një lojtar i kompletuar. Një lojtar që kishte klas, fuqi, shpejtësi, një dribbling të çmendur, shënonte shumë gola, është një lojtar inteligjent, argëtues. Një kampion”.

Për 5 lojtarët më të mirë sipas tij: “Portieri më i mirë me të cilin kam luajtur? Dida. Mbrojtës Paolo Maldini, mesfushor Andrea Pirlo. Sulmues? Kam luajtur me Ricky Kakà, si të thuash jo një sulmues, por një lojtar sulmues. Trajneri më i mirë? Lobanovskyi”.

Mbi prototipin e tij të futbollistit ideal: “Këmbën e djathtë të Francesco Tottit, këmbën e majtë të Messit, goditjen me kokë të Cristiano Ronaldos, shpejtësinë e Mbappe, driblimin e Ronaldo Fenomenit, fuqinë fizike e Didier Drogba”.