Shën Rafa dhe Maignan magjiku. Nëse gabohet për të dytën herë në merkato… Tani është koha për të harxhuar, dhe mirë

Rreziku është të mos i besosh skenarit që po përgatitet në Champions League. Sepse tani Milani ka mundësinë – e konsideruar përpara se të nisë një mision i pamundur – të arrijë në tetëshen e parë dhe të shpëtojë nga kalvari i play off, edhe dy ndeshje të tjera më shumë dhe një shkurt akoma më i ngarkuar me ndeshje njëra pas tjetrës, me rikuperimin e Bolonjës për t’u vënë në kalendar.

Pas rezultatit, meritë ekskluzive e Leaos nga njëra anë dhe e Maignan nga ana tjetër, nuk ka shumë për t’u krenuar. Pasi modestët e Gironës patën madje tre raste, në pjesën e parë, për të vënë gjithçka në pikëpyetje. Kjo do të thotë se përtej aplikimit kolektiv, ka shumë deficite për të sistemuar. Për shembull, organizimi i përmirësuar i mbrojtjes në pjesën e dytë. Për shembull, prova çarmatosëse – nuk ka mbiemër tjetër – e Theo Hernandez, i cili jo vetëm gabon një gol të sigurtë, por më pas i lejon rivalit të tij një hapësirë ​​të tepruar për të shënjestruar dhe për të shënuar gol, që u anulua për pozicion jashtë loje. E gjatë është rruga për Conceiçaon, i cili ndër të tjera nuk ka shumë burime në dispozicion, mes dëmtimeve, skualifikimeve dhe largimeve. Një arsye më shumë për t’iu përkushtuar merkatos.

MERKATO E PADESHIFUAR – Orët e ardhshme, ndoshta, dhe e theksoj ndoshta, do të kuptojmë më mirë se në cilin drejtim Milani po punon mbi merkaton e janarit. Shumë pista të atribuar nga agjentët dhe websitet në kërkim të një klikimi, shumë pak qartësi, përveç asaj të ardhjes së Walker, të promovuar me nota të plota nga ata që e njohin shumë mirë (ndër ta, Fabio Capello, red.). Mund të diskutohet jeta e tij private kaotike, por sigurisht jo karizma që ai sjell me vete dhe që është absolutisht e nevojshme në Milanello.

Nëse dikush do që të kuptojë diçka për kësaj dreq ndërthurrjeje të “thuhet”, me tyre shpesh në kontrast të hapur, kam vetëm një shpjegim për të dhënë: në këtë dritare të merkatos, edhe Ibra dhe bashkë me të Moncada luan besueshmërinë që gëzon pranë Gerry Cardinales. Ka edhe një aspekt tjetër për të nënvizuar: nga sot, e enjte, 23 janar, nuk mund të merremi më me shtyrje taktike apo ndryshime profilesh në fluturim e sipër. Duhet shkuar menjëherë aty ku nevojitet për të arritur objektivat e rënë dakord me Sergio Conceiçaon dhe të mbyllen negociatat për t’i shfrytëzuar të ardhurit e rinj që nga muaji shkurt, i cili nis me derbin e mbrëmjes së datës 2.

ZGJEROHET CDA E MILANIT – Gjithnjë sot, e enjte, 23 janar, është planifikuar të mblidhet bordi drejtues i AC Milan me futjen në rendin e ditës të një përfaqësuesi të dytë të fondit Elliott, si garanci e vender loan për rifinancimin e kredisë shitëse prej 170 milionësh (nga RedBird) dhe reduktimit të kuotës së kapitalit në 489 milionë me shtyrjen e skadencës në korrikun e 2028. Përkrah Gordon Singer, tashmë i pranishëm në bordin drejtues, do të ulet edhe një përfaqësues i dytë i Elliott. Operacion, ky i fundit, rutinë dhe tashmë i pranishëm edhe në klube të tjera (Oaktree kishte dy këshilltarë në bordin administrativ të Interit gjatë presidencës Zhang për të mbrojtur huazimin e famshëm).