Sergio Conceicao, tani edhe Milani ka tinonierin e vet?

Metodat dhe bindjet psikologjiko-futbollistike të portugezit, në pak më shumë se një javë, e kanë përmbysur botën Milan edhe në aspektet në dukje më margjinale. Nga nutricionistët tek kontrolli i peshës e tek stërvitja dhe mendja e lojtarëve. A ka ndonjë krahasim me Antonio Conten?

Impakti i Sergio Conceiçaos te Milani ishte i menjëhershëm dhe domethënës. Siç e kemi theksuar në të paktën disa artikuj tonë, trajneri portugez ka sjellë një reagim të fortë te skuadra, që kishte shfaqur shenja vështirësie dhe pamundësie për të reaguar nën drejtimin e Paulo Fonseca.

More Read

Elliott dhe Red Bird, dy pronësitë “koprace” që kanë shpenzuar më shumë në historinë e Milanit

Radiografia e një skuadre Champions. Modric, Allegri dhe tifozët janë të uritur. Ku*vat nëpër karroca

Të zgjedhësh midis Vlahovic dhe Hojlund, po… edhe jo. Ideja e çmendur Milan: po sikur të vinin të dy?

Klishe dhe paragjykime rreth Milanit: FAKTET e Pamohueshme që i çmontojnë

Skuadra entuziaste, tifozët entuziastë. Merkato e papërfunduar. Tare? Vendos akoma Furlani

Filozofia e Sergio Conceicaos bazohet në aftësinë për të reaguar ndaj vështirësive, siç u dëshmua gjatë gjysmëfinales dhe finales së Superkupës kundër Juventusit dhe Interit, ku Milani kapërceu disavantazhet falë mentalitetit të ri të imponuar nga Conceiçao.

Sergio Reaksionari

Conceiçao imponoi menjëherë filozofinë e tij: punë të pandërprerë, përpjekje dhe sakrifica. Por jo vetëm; edhe diskutime me nutricionistët e Milanellos dhe kontrolle të përditshme të peshës së lojtarëve. Gjatë intervalit midis pjesëve të ndeshjes kundër Interit, sa për të dhënë një ide mbi intensitetin e drejtimit të tij, madje theu edhe një televizor gjatë fjalës ndaj skuadrës, siç u zbulua Zlatan Ibrahimovic. Ky gjest, padyshim fizik por edhe simbolik, shpreh qasjen e tij të ashpër dhe të drejtpërdrejtë, e cila nuk lë vend për relaksim dhe masa gjysmake. Pavarësisht fitores dhe fluturimit të gjatë për në shtëpi, Milani nuk ka patur më ditë pushimi, një shenjë e qartë e filozofisë së tij të punës së vazhdueshme dhe të pandërprerë, veçanërisht në këtë fazë fillestare të njohjes së botës Milan.

Një Conte me gjashtë muaj vonesë?

Shumë tifozë milanistë, përpara ardhjes së Conceiçaos, do të kishin dashur Antonio Conten në pankinën kuqezi. Sidoqoftë, trajneri aktual i Napolit u konsiderua shumë i shtrenjtë dhe kërkues për parametrat e klubit. Kështu, Cardinale dhe Ibrahimovic u përqëndruan, pas Paulo Fonsecës, te Conceiçao, i cili ndoshta mund të përfaqësojë një version portugez të Contes. Të dy trajnerë kërkues, të cilët kërkojnë impenjim, përpjekje dhe djersë, Conceiçao lidhet me grupin në mënyrë të ngjashme me Conten, duke transmetuar pasion dhe vendosmëri për të krijuar një grup të vërtetë të gatshëm për të bërë gjithçka që të arrijë rezultatin.

Rizgjim dhe karakter

Figura e Conceiçaos, me personalitetin dhe aftësinë e tij për të motivuar lojtarët, pasqyron shumë atë të Contes, edhe pse me një ndryshim në rolet e luajtura prej të dyve si futbollistë. Ndërsa Conte ishte një mesfushor këmbëngulës, Conceiçao ishte një anësor luftarak, por të dy kishin një temperament të fortë dhe një karakter të paepur. Kjo i ka bërë ata trajnerë që dinë të transmetojnë shpirtin e tyre gueril te skuadra, një qasje që mund të jetë vendimtare për të ardhmen e Milanit.