Rregullat dhe e vërteta, ja pse skuadrat s’mund t’u thonë “jo” thirrjeve të kombëtareve për lojtarët e tyre

Është e rëndësishme të sqarohet mirë situata dhe të lihen mënjanë polemikat e panevojshme: Milan nuk ka asnjë përgjegjësi për dëmtimin e Pulisic gjatë ndeshjes së kombëtares amerikane. Përkundrazi, Milan është viktima e këtij incidenti.

Gjatë ditëve të fundit, kanë qarkulluar shumë mendime, disa të ekzagjeruara, se Milan duhet ta kishte penguar lojtarin amerikan ta pranonte thirrjen për grumbullim me kombëtaren. “Klubet e forta,  – dhe kjo është teza mbizotëruese midis tifozëve të shumtë -, kështu bëjnë “.

Lexo më shumë

Klishe dhe paragjykime rreth Milanit: FAKTET e Pamohueshme që i çmontojnë

Një humbje e parashkruar? Apo një mashtrim i pistë mediatik?

A i duhet vërtet një sulmues Milanit? Po, por vetëm nëse është “top”. Përndryshe, më mirë asgjë

Çmenduria e Perth. Villarreali shembull për Milanin. Është Leao, tema e sezonit

Sikur të gjitha ëndrrat spektakolare të shkatërroheshin, jeta nuk do ia vlente të jetohej. Këto janë të miat në një natë fillimvere!

Një mendim i respektueshëm, por në fakt i pasaktë.

Sepse, asnjë skuadër në botë nuk mund të refuzojë të lejojë një nga lojtarët e saj në Kombëtare. Kjo për shkak se ekziston një detyrim specifik, i vendosur nga FIFA, që menaxhon të gjithë futbollin botëror. Rregullorja mbi statusin dhe transferimin e lojtarit flet qartë:

“Klubet janë të detyruara t’i lenë të lirë të teseruarit e tyre për përfaqësuesen e vendit për të cilin lojtari mund të luajë në bazë të kombësisë së tij nëse thirret nga federata e interesuar; është i ndaluar çfarë do lloj akordi i kundërt midis një lojtari dhe klubit”.

Praktikisht, të gjitha klubet në mbarë botën duhet t’i lirojnë lojtarët e tyre kur thirren. Nëse s’e bëjnë, rrezikojnë sanksione disiplinore, si për klubin ashtu edhe për vetë lojtarin që refuzon thirrjen pa një arsye të vlefshme.

I vetmi përjashtim ka të bëjë në rast dëmtimi. Nëse një futbollist dëmtohet, mund të mos i përgjigjet thirrjes së Kombëtares, por vetëm pasi të jetë vizituar nga mjekët e Federatës. Kjo bëhet për të parandaluar “dëmtimet e rreme” dhe e bën detyrimin praktikisht të pamodifikueshëm, përveç arsyeve serioze.

Nën dritën e të gjitha këtyre, fajësimi i klubit për një dëmtim të pësuar gjatë ndeshjes së Kombëtares është plotësisht i padrejtë. Rregullat flasin qartë: në këto situata, skuadrat nuk kanë zgjidhje tjetër.