Reijnders mahnit Evropën, Milani e pret: si do të luajë ai me Fonsekën

Holanda është njëra prej çerekfinalisteve të Europianit 2024, pas një fitoreje të pastër 3-0 ndaj Rumanisë. Të shtunën, më 6 korrik, kundërshtar të rradhës do të ketë Turqinë, fituese 2-1 ndaj Austrisë. Dhe njëri ndër lojtarët që ka shkëlqyer më shumë në skuadrën e Ronald Koeman është sigurisht Tijjani Reijnders.

Mesfushori i Milanit ka bërë një paraqitje të shkëlqyer në Allianz Arena të Mynihut, duke konfirmuar kështu nivelin e shkëlqyer të parë deri më tani në turne. Ka cilësi të mëdha teknike dhe vizion loje, ai është një element qendror i manovrës së kombëtares së tij. T’i japësh atij topin do të thotë ta vendosësh thuajse në kasafortë, duke qenë se di ta menaxhojë edhe në situatat më të komplikuara dhe gabon në shumë pak zgjedhje.

Reijnders e mbylli pjesën e parë me 100% pasime të arritura, ndërsa ndeshjen e mbylli me 96% (69/72). Një statistikë që flet shumë për aftësinë e tij me topin në këmbë. Ishte gjithashtu edhe lojtari që preku më shumë topa (88). Jo keq as të dhënat për driblimet me top, , fitoi 4 nga 6 përballje me kundërshtarin.

Në një futboll posedues, ku është ai që duhet të organizojë aksionet dhe ky ka pranë shokë skuadre me të cilët mund të komunikojë, hollandezi i Milanit mund të jetë shumë më efektiv se sa kemi parë sezonin e kaluar. Fatkeqësisht, skuadra shpesh ishte e gjatë në fushë dhe kush merrte topin jo gjithmonë kishte një zgjidhje të menjëhershme. Për më tepër, ish AZ Alkmaarit iu kërkua të vraponte përpara për të hyrë në zonën e penalltisë së kundërshtarit. Epo, nëse ka një limit që ai ende e ka, është ai i të qenit shumë imponues në zonën e penalltisë. Sigurisht mund të përmirësohet edhe në këtë aspekt, edhe pse ndërkohë duhet të përpiqet të përmirësojmë sa më shumë cilësitë e tij.

Me ardhjen e Paulo Fonsekës në pankinë, Reijnders duhet të vlerësohet më mirë për ato që janë cilësitë e tij si përdorues i topit. Për ta ndihmuar në fazën mbrojtëse, sigurisht që do të duhet të blihet një mesfushor i fortë fizikisht dhe i aftë në rikuperimin e topave. Jo rastësisht prej javësh po flitet për ardhjen e mundshme të Youssouf Fofana. Mesfushori i Monacos mund të jetë përsosshmërisht komplementar dhe t’i shtojë mesfushës së Milanit atë që i mungonte sezonin e kaluar. Kontaktet kanë nisur, edhe pse nuk ka ende një marrëveshje me klubin monegask, i cili do të donte 25 milionë euro. Të shohim nëse marrëveshja do të realizohet.