Me Athekame, mozaikut të paralajmëruar nga Igli Tare ditën e prezantimit të tij (“Prioritet mesfusha, pastaj mbrojtësit anësorë dhe në fundmi qendërsulmuesi”) i mungon vetëm pjesëza e fundit: numri 9. Garancitë më të mëdha sasiore dhe cilësore padyshim i jep mesfusha: gjithnjë duke konsideruar që fatkeqësisht angazhimet e Rossonerëve do të kufizohen vetëm në kampionat, përveç shëtitjeve në Kupën e Italisë dhe në Superkupë, asortimenti është tashmë në vetvete mjaft i pasur. Nga Fofana te Loftus-Cheek, nga Modric te Ricci, e madje edhe Jashari, janë plot pesë për tre vende (për momentin duhen konsideruar numerikisht edhe Bennacer, Musah, Bondo dhe Terracciano). Këmbë, fizik, teknikë, përvojë, rini: gjithçka duket se e kemi.
Nga mbrojtja mbetet një e panjohur konsistene për shkak të mbrojtësve anësorë. Estupinian dhe Athekame janë për t’u vlerësuar, për t’u testuar, për t’u verifikuar. Do t’u duhet kohë dhe Allegri nuk është se ka shumë. Sigurisht, mesfusha, qendërmbrojtësit dhe… Maignan mund t’i ndihmojnë shumë në ambientim dhe në rritje, por na leverdis që të adaptohen shpejt dhe të dëshmojnë se janë të denjë. Për qendërmbrojtësit, kam folur. Kemi mësuar ta vlerësojmë dhe t’i besojmë Gabbias. Presim rikthimin e Tomorit në nivelin e Scudettos, shenjat e kurimit të tij (dhe feeling) me Allegrin duken inkurajuese: tani varet nga ai. Pastaj është Pavlovic, i vrullshëm, energjik, i aftë për performanca mbresëlënëse, momente të vlefshme, por edhe me black out që duhet të pastrojë.
Së fundmi, Thiaw, midis dëshirës së trajnerit për ta mbajtur dhe asaj të klubit, që e ka ujin në gojë, në pritje të një ofertë të denjë për ta pranuar. Personalisht jam i bindur se mbetet një lojtar interesant, me shumë hapësirë për përmirësim, të cilat këto sezone të fundit nuk ka qenë aq domethënëse. Allegri duket se beson tek ai; fakti është se gjithmonë është i alternuar me Gabbian dhe Tomorin pa gjetur ndonjë përdorim absolut. Është padyshim lojtari, vlerësimi i të cilit – nëse do të largohej – nuk mund të jetë i gabuar. Do të shtoja se do të largohej, do të duhej zëvendësuar patjetër. Leoni dhe Comuzzo janë vetëm perspektiva (premtuese).
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Sulmi mbetet i paplotë: Leao, Pulisic, Gimenez. Pastaj është jolly Saelemakers. Aktualisht, pikëpyetje të mëdha mbi Okafor dhe Chukwueze, si përsa i përket të ardhmes ashtu edhe me performancës së tyre. Mbeten Vlahovic, apo Hojlund, por kushdo që të mbetet duhet, pasi batanija duket pak e ngushtë, vetëm nëse Okafor ose Chukwueze nuk arrijnë ta bindin vërtet Max se mund të jenë të dobishëm.
