Ka lojtarë që flasin për merkato çdo javë, që lëshojnë sinjale, që luajnë teatër me agjentët e tyre në media. Dhe pastaj ka Christian Pulisic – ylli amerikan që po shkruan historinë e tij me fanellën kuqezi, dhe që ka një mesazh të qartë për të gjithë: “Jo tani. Nuk është koha.”
Në një intervistë ekskluzive për Men’s Journal, një nga publikimet më prestigjioze sportive në Shtetet e Bashkuara, Pulisic ka folur për gjithçka: nga ndeshjet miqësore me Belgjikën dhe Portugalinë që po afron, te kujtimet e Botërorit 2022 në Katar, nga sistemi i Pochettinos te fanellat e reja të kombëtares, dhe më së fundi – për zërat e merkatos që nuk e prekin.
Por le të fillojmë nga e ardhmja. Sepse për një lojtar që sapo ka filluar të shkëlqejë në Evropë, e ardhmja është gjithmonë e sotme.
BOTËRORI 2026: AMERIKA QË PËRGATITET PËR FESTËN E MADHE
“Po afron gjithnjë e më shumë” – kështu thotë Pulisic për Botërorin 2026, turneun që do të zhvillohet pjesërisht në tokën amerikane. Dhe kjo është një ngjarje që e ndryshon gjithçka për futbollistin që dikur ishte fëmija i mrekullueshëm i Maryland-it, e që sot është fytyra e sportit më të dashur në botë.
Ndeshjet miqësore kundër Belgjikës (28 mars) dhe Portugalitë (31 mars) në Atlanta nuk janë thjesht paraqitje rutinë. Janë “mundësia e fundit për t’u përgatitur vërtet”, siç thotë vetë ai. Janë momenti për të parë ku qëndron kombëtarja amerikane, për të rivendosur kiminë e grupit, për të ndjerë presionin e një turneu që po afron me shpejtësi.
Kujtimet e Katarit 2022 janë ende të freskëta. “Ishte mahnitëse” – thotë Pulisic. Jo vetëm fusha, jo vetëm golat, jo vetëm ndeshja e eliminimit direkt kundër një skuadre të madhe. Por “të qenit në hotel me djemtë, duke ditur sa e rëndësishme ishte ajo moment”. Kjo është ajo që mbetet, kjo është ajo që shtyn, kjo është ajo që e bën një fëmijëri të ëndrrave të kthehet në realitet.
POCHETTINO DHE MILANI: MBËSHTETJA E TRAJNERIT
Kur Mauricio Pochettino, trajneri i ri i kombëtares amerikane, komentoi periudhën e Pulisic pa gola, reagimi ishte i qartë: “E vlerësoj mbështetjen”. Por nuk është shqetësim. Sepse Pulisic e di një të vërtetë të thjeshtë futbolli – “mund të luash shumë keq dhe nëse shënon një çift golash, njerëzit të lartësojnë. Dhe mund të ndodhë e kundërta”.
Kjo është filozofia e tij: “Thjesht vazhdo. Kështu shkon karriera, me lart e poshtë”. Dhe në këtë moment, ai është në një “moment të mirë”, duke luajtur mirë, duke ndjerë veten në formë fizike. Kjo është ajo që ka rëndësi.
Pochettino ka sjellë diçka të re në kombëtare – “një dinamikë të ndryshme, atë shpirt luftarak, atë grinta”. Pulisic e sheh këtë, e ndjen, e vlerëson. Dhe krah për krah me shokët, ai po ndërton diçka që mund të bëjë Amerikën krenare.
MERKATO? “JAM I LUMTUR KËTU, NUK FLAS ME AGJENTIN TIM”
Dhe tani, pyetja që të gjithë presin. Zërat e merkatos, ofertat, spekulimet – a i vëren Pulisic?
Përgjigjja është e qartë si kristali: “Shumica e njerëzve më thonë dhe më pyesin për çfarë bëhet, dhe unë u përgjigj se nuk i kam parë asnjëherë. Nuk e di vërtetë”.
Por ka më shumë. “Besoj se ka gjithmonë një moment dhe një vend të përshtatshëm. Zakonisht nuk është kur jam në mes të sezonit dhe po luaj. Nuk flas me agjentin tim për klube dhe për të shkuar diku. Nuk më prek më shumë se kaq, kështu që nuk më ndikon aspak”.
Dhe kulmi: “Sigurisht, kur do të vijë momenti të flasim dhe do të ketë opsione, por nuk është ky momenti. Dhe jam i lumtur të jem këtu në këtë moment. Kështu që po përqendrohem sa më shumë tek kjo”.
Kjo është deklarata e një profesionisti, e një lojtari që e di se ku qëndron, e një ylli që nuk lejon zhurmën e jashtme të ndikojë në fokusin e tij. Pulisic është i lumtur në Milano. Dhe për tifozët kuqezi, kjo është lajmi më i mirë që mund të marrin.
RUSHMORE E PULISIC: VETEN, DEMPSEY, DONOVAN DHE… MCKENNIE!
Dhe për të mbyllur me diçka më të lehtë – pyetja për Monte Rushmore-in e futbollit amerikan. Katër fytyrat që do të gdhendeshin në shkëmb?
Pulisic qesh: “Nuk mund të përfshij veten?” Dhe pastaj vendos: “Unë, Clint [Dempsey], Landon Donovan, dhe për vendin e fundit… Weston [McKennie]. Është njeriu im. Kështu që ta vendosim atë”.
Një listë që tregon respekt për historinë, dashuri për shokët, dhe një vetëbesim që e ka bërë atë një nga lojtarët më të rëndësishëm të gjeneratës së tij.
Christian Pulisic nuk po largohet. Ai po përgatitet për Botërorin, po luan për Milanin, dhe po tregon se zemra e tij është aty ku është momenti – në Milano, kuqe dhe zi. 🔴⚫
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
