Pse Cardinale dhe Zhang nuk e durojnë dot njëri-tjetrin, e shpjeguar mirë

Një shtrëngim duarsh, një e rënë mbi supe, dy fjalë formale apo më pak, asnjë nga këto. Marrëdhënia mes Steven Zhang dhe Gerry Cardinale, përkatësisht pronarë të Interit dhe Milanit të shtunën përballë njëri-tjetrit për derbin e parë të sezonit të ri, është e ftohtë, e akullt, në nivelin më të ulët historik dhe sigurisht që nuk do të ndryshojë tani që të dyja skuadrat milaneze kryeson renditjen e Serie A. Në themel të problemit është çështja e stadiumit.

Në derbet e para që i pa protagonistë, të dy e shmangën me elegancë njëri-tjetrin, me përjashtim të një rasti. Të cilin e kujton sot Gazzetta dello Sport: më 3 shtator 2022 Zhang dhe Cardinale u përshëndetën përzemërsisht gjatë pushimit midis pjesëve, larg kamerave. Numri një i Interit madje edhe u ftua në një sky-box të kuqezinjve. Zhang dhe Cardinale më pas lanë takim përsëri një muaj më vonë: planet dështuan.

E çuditshme? Aspak. Pozicione krejtësisht të kundërta në administrimin dhe në pikëpamjet e dy klubeve të Milanos. Mënyra të ndryshme për t’iu qasur botës së biznesit, çështje metode dhe stili. Por shkaku që më pas i prishi marrëdhëniet midis Steven Zhang dhe Gerry Cardinale deri në ngritje përfundimtare, megjithatë, sipas La Gazzetta dello Sport, do të ishte çështja e stadiumit. Për aq kohë sa fondi Elliott ishte në drejtim të Casa Milan – shpjegon roza – çdo hap drejt drejtimit të impiantit të ri për qytetin ishte i rakorduar dhe i dakordësuar. Pastaj diçka ndryshoi.

Sipas Gazzetta-s, Interi në veçanti nuk do ta kishte mirëpritur takimin mes Cardinale dhe kryebashkiakut Sala marsin e kaluar. Një blitz i bërë pa dijeninë e drejtuesve nerazurrë. Vetëm kaq? Jo, në fakt ka shumë më tepër në rrënjët e një marrëdhënieje të tensionuar të ushqyer nga indiferenca, e cila do të jetë objekt i një investigimi tjetër.