Prova e fundit e turneut: tri arsye për të parë Milanin kundër Perth Glory

Nesër në orën 12:20, do të mbyllet turneu veror i Milanit në Azi dhe Paqësor. Rossonerët do të luajnë, drejtpërdrejt në Milan TV, miqësoren e tyre të tretë dhe të fundit, kundër Perth Glory, formacioni australian që aktualisht është në vendin e fundit të kampionatit të tij. Një rast ky për të për të marrë tjetër minutazh nëpër këmbë dhe për t’u rikthyer në Milanello me karikimin e duhur në prag të fazës së fundit të përgatitjeve që do t’i çojë Rossonerët drejt ndeshjes së tyre të parë sezonalë dhe fillimit të kampionatit. Për këtë arsye, siç ndodhi me Arsenalin dhe Liverpoolin, ja tre arsye për ta parë Milan-Perth Glory.

1) Qasje e ndryshme

Në konferencën e shtypit të disa orëve më parë, Massimiliano Allegri ka komentuar kështu ndeshjen kundër formacionit australian: “Është një test i rëndësishëm në nivel mendor sepse kundër Arsenalit dhe Liverpoolit, ishte e lehtë të ruhej një nivel i lartë kujdesi dhe përqendrimi. Nesër do të kuptojmë se sa jemi rritur mendërisht në aspektin e respektit për kundërshtarët”. Përkthyer, nëse kundër skuadrave angleze mund të lejoje impostimin e një ndeshjeje në pritje, kundër një skuadre si Perth je i thirrur të diktosh ndeshjen. Kjo shpesh do të thotë durim, veçanërisht kur gjërat nuk shkojnë mirë ose muri që po përballesh duket i vështirë për t’u kapërcyer. Në këtë kuptim, do të jetë vërtet interesante të shohim se si Djalli do të zbresë në fushë, në pritje të testeve që do të jenë edhe më të vështira, edhe në këtë drejtim.

2) Linjat e dyta

Si kundër Arsenalit, ashtu dhe kundër Liverpoolit, Allegri nxori në fushë lojtarët më të mirë të mundshëm për momentin. Ndërsa nesër, sipas asaj që ka mësuar Milanistat.com, strategjia e trajnerit Rossoner mund të jetë paksa më ndryshe. Në fakt ka mundësi që Milani të shfrytëzojë turnoverin, duke bërë të luajnë ata që kanë pasur më pak hapësirë në ndeshjet e para. Më specifikisht, objektivi është që t’u jepet të gjithëve sa më shumë munuta që të jetë e mundur, në mënyrë që nga pikëpamja fizike dhe atletike të gjithë të jenë pak a shumë në të njëjtin nivel, madje edhe në kontekstin e ndeshjes. Në këtë kuptim, kandidatët kryesorë për të nisur që nga fillimi janë anësorët: si ata mbrojtës, siç janë Alex Jimenez dhe Pervis Estupinan, ashtu edhe ata sulmues, si Chukwueze dhe Okafor, i cili mund të bëjë edhe qendërsulmuesin. Minuta edhe për Bondo dhe ndonjë të ri tjetër.

3) Kimia e qendërmbrojtësve

Edhe nesër, edhe pse me një kundërshtari që, në letër, duhet të ushtrojë më pak presion në zonën e penalltisë Rossonere, do të jetë një bankoprovë interesante për qendër mbrojtësit  Rossonerë. Mbetet për t’u parë nëse do të konfirmohet mbrojtja me tre apo do të ketë një dyshe mbrojtëse. Mbi të gjitha, do të nevojitet të vlerësohet qasja e tyre ndaj interpretimit të ndeshjes, nëse do të mbajnë një vijë të lartë apo, të sidoqë të jetë, nuk do të aventurojnë shumë. Shpesh në ndeshje si kjo e nesërme, gjithnjë në letër, rreziqet janë të pakta dhe të papritura: si mbrojtësit ashtu edhe portieri duhet të jenë të zotë në reagimin me kohët e duhura. Një element, ky i fundit, që ka qenë një nga difektet e mëdha të Milanit të sezoneve të fundit.