Premtimet e Paulo Fonsekës

Pas provës së parë në Vjenë kundër Rapidit të një jave më parë, Milani është gati të zbresë në fushë sonte në orën 24:00 me orën tonë, kundër Manchester City në Nju Jork, në miqësoren e parë të turit në Shtetet e Bashkuara. Është e vërtetë që nga të dyja palët do të mungojnë disa lojtarë të rëndësishëm që janë ende me pushime pas angazhimeve me kombëtaret e tyre, por për skuadrën kuqezi tashmë është një moment i rëndësishëm, ai për të parë në fushë idetë e para të trajnerit të ri Paulo Fonseca.

MILANI I RI

Ka kuriozitet të madh për Milanin e ri të portugezit i cili dje, në konferencën për shtyp, dha disa ide interesante për skuadrën që tifozët do të shohin këtë sezon: do të jetë një formacion sulmues, i cili dominon ndeshjet, i cili rikuperon topin shpejt dhe që do t’i bëjë tifozët e Milanit, të gjithë, që të jenë krenarë me skuadrën e tyre. Fonseca nuk ka dashur të shtojë detaje të tjera për mënyrën se si luan Djalli, por ka siguruar se do të shohim një fazë mbrojtëse tjetër në krahasim me atë të vitit të kaluar: “Do të mbrohemi ndryshe nga sezoni i kaluar, nuk dua të bëj krahasime, por do të të jetë ndryshe, duhet të përmirësohemi nëse duam të fitojmë”.

PREMTIMET E FONSEKËS

Gjatë konferencës për shtyp, trajneri i Milanit dha disa premtime të rëndësishme: “Po krijojmë mendësi të fortë në skuadër si në nivel sulmues ashtu edhe në atë mbrojtës. Mendoj se në ndeshjet e ardhshme mund të fillojmë të shohim diçka, por nuk dua të hyj në detaje. Ajo që premtoj është dhe jam 100% i sigurt se do të ndodhë se Milani do të jetë një skuadër që dominon ndeshjet, një skuadër që e rikuperon shpejt topin. Kjo është ajo që ndjej të premtoj. Premtoj edhe se do t’i bëj krenarë tifozët tanë dhe besoj se kjo do të ndodhë shumë shpejt”.

NGA FJALËT NË FAKTE

Fjalë që me siguri do t’i kenë dhënë shumë kënaqësi të gjithë tifozët kuqezi, të cilët, megjithatë, presin fakte që tani, gjatë miqësoreve që e presin Milanin në SHBA dhe më pas në Itali para fillimit të kampionatit. Një dorë të rëndësishme Fonsekës duhet t’i vijë nga merkato, sepse është e pamohueshme që Djallit i mungojnë ende disa pjesë shumë të rëndësishme: një qendërmbrojtës (Pavloviç po afrohet gjithnjë e më shumë), një anësor shtytës i djathtë (ishte një kërkesë specifike e Fonsekës, Emerson Royal është i përzgjedhuri), një mesfushor fizik për t’u vendosur përpara mbrojtjes (afera Fofana është bërë e ndërlikuar, Milani po vlerëson edhe pista alternative), një mesfushor cilësor (kontaktet me Samarxhiç vazhdojnë) dhe një tjetër sulmues pas Moratës ( Fullkrug emri më i nxehtë).