Punë e mbaruar, një surprizë shumë e madhe. Pasi dështimit të opsionit Trabzonspor, të cilin Ismael nuk e konsideroi kurrë seriozisht, në mënyrë krejt të papritur ishte Dinamo Zagrebit ajo që fitoi. Operacioni u finalizua në harkun e disa orëve, me edhe zyrtarizimin nga ana e klubit kroat.
Pas këtij transferimi është padiskutim dora e Zvonimir Boban, admirues i madh i lojtarit (ishte drejtues te Milani kur algjeriani mbërriti nga Empoli).
Kontrata e mesfushorit me Rossonerët skadon në qershor 2027: totalisht jashtë projektit teknik, Milan u përpoq shumë ta shesë që prej kthimit nga Marseja.
Lexo më shumë
Por, asnjë ofertë nuk e bindi plotësisht lojtarin, që i tha ‘po’ vetëm Dinamo Zagrebit: marrëveshja u finalizua në bazë të një huaimi me mundësi blerjeje, të fiksuar prej afërsisht 10 milionë euro.
Klubi kroat do të paguajë 40% të pagës prej 4.5 milionë eurosh të lojtarit. Gjatë parasezonit, Bennacer nuk u stërvit kurrë me skuadrën. Pse? Është zbuluar më në fund edhe arsyeja.
Bennacer midis zgjedhjes së Milanit dhe problemeve fizike
Ndërsa Yacine Adli u shtua në organikën e Milan Futuro, edhe në pritje të zhvillimeve (ka mbetur e hapur për rregullimet e fundit pista arabe Al Shabab), Bennacer nuk ka punuar kurrë me Massimiliano Allegrin.
Një zgjedhje e fortë kjo nga ana e klubit, por pas së cilës fshihet një arsye shumë specifike. Ish Empoli, në fakt, u stërvit i vetëm disa herë në Milanello, por kishte probleme fizike.
Asgjë e rëndë, padyshim, por Milan nuk ka dashur të rrezikojë. Nëse do të kishte marrë pjesë në ndonjë ndeshje miqësore, ishte rreziku i madh që Bennacer të mund të dëmtohej dhe ta bënte edhe më të komplikuar shitjen e tij.
Algjeriani ka pasur gjithmonë probleme të mëdha gjatë viteve të fundit dhe është kjo një nga arsyet që e shtyu klubin ta përjashtonte nga projekti teknik.
Jo rastësisht, kanë mbërritur tre lojtarë që luajnë në të njëjtën pozicion: Modric, Jashari dhe Ricci. Nuk ka pasur kurrë, pra, asnjë mundësi riintegrimi, as pas dëmtimit të ish Club Brugge.
Për Bennacer kishte vetëm një rrugë: lamtumira. Megjithatë, Milani nuk arriti ta zgjidhte situatën ashtu siç do të kishte dashur: vetëm për ta larguar, Giorgio Furlani ka pranuar idenë për të kontribuuar në pagesën e lojtarit, me më shumë se gjysmën.
Nëse gjërat do të shkojnë keq, siç ndodhi me Marsejën, në qershor të vitit të ardhshëm ai do të kthehet sërish në Milano për sezonin e fundit të kontratës së tij.
