Plot eksperiencë dhe goxha talent, tek Milani për të zgjidhur dy probleme, detajet

Të hidhet njëri sy drejt futbollistëve që u skadon kontrata me skuadrat aktuale sigurisht që mund të ishte një ide edhe aq e keqe për Milanin. Megjithatë duhet thënë se gjatë viteve të fundit, kuqezinjtë kanë hasur në vështirësi të mëdha për të realizuar goditje të rëndësishme të këtij lloji. Dhe shpesh kanë qenë komisionet shumë të larta, ato që në fakt kanë penguar disa afera. Më e dhimbshmja është sigurisht ajo që ka të bëjë me Thuram, i cili në fund vendosi të vishet zikaltër për disa milionë diferencë.

Sot, profili më i nxehtë në orbitën Milan, me një kontratë në skadencë më 30 qershor 2024, është sigurisht ai i Mats Hummels. Gjermani ka vendosur të largohet nga Borussia Dortmund, pas një sezoni në nivele të larta, për t’iu bashkuar një ekipi konkurrues. Qendërmbrojtësi, në fakt, nuk ka ndërmend të varë këpucët në gozhdë apo të transferohet në ndonjë vend ekzotik, ku futbolli nuk është saktësisht në lartësinë që kërkon ky lloj futbollisti. Kështu që rruga që të çon te Hummels është për t’u ndjekur, edhe pse tashmë është edhe Roma që po e mendon shumë seriozisht. Ndërkohë që pikërisht nga Roma, mund të vijë një tjetër mbrojtës i cili ashtu si gjermani ka një kontratë që i skadon më 30 qershorin që vjen.

Nga Roma te Milan, ideja e transferimit me zero euro: ja cili është zëvendësi Theo

Po flasim për Leonardo Spinazzolën, i cili nuk do të vazhdojë më të luajë në kryeqytet, duke i dhënë lamtumirën Daniele De Rossit dhe verdhekuqëve. 31-vjeçari nga Foligno është kështu gati për një aventurë të re, ndoshta në Serie A dhe ndoshta në një skuadër të madhe. Nuk është rastësi që orët e fundit emri i tij është afruar edhe me Napolin, ku do të gjente Antonio Conten të cilin e njeh shumë mirë. Por edhe pista e Milanit nuk mund të përjashtohet.

Për më tepër, kuqezinjtë, me blerjen e Spinazzolas, do të zgjidhnin dy probleme, do të sillnin në shtëpi një italian – Djalli ka gjithnjë e më shumë një grup të vogël azzurrësh – si dhe do të gjenin një alternativë të mirë për Theo Hernandez. Spinazzola, i cili luajti 36 ndeshje sezonin e kaluar, për pak më shumë se 2000 minuta, mund të luajë edhe në të djathtë, një aspekt që nuk duhet nënvlerësuar duke qenë se Milani duhet të bëjë llogaritë edhe me pozicionet e Alessandro Florenzit dhe Davide Calabrias. Të dy kanë një kontratë deri më 30 qershor 2025 dhe pozicioni i tyre në mënyrë të pashmangshme është në pikëpyetje. Veçanërisht ish Roma i cili rrezikon t’i japë fund karrierës së tij te Djalli së shpejti. Prandaj, situata duhet monitoruar me kujdes.