Çdo fanellë rrëfen një histori, por disa konservojnë një trashëgimi më të rëndë se të tjerat. Te Milani, numri 5 nuk është thjesht një numër mbi shpinë: është një simbol i soliditetit, karizmës dhe fitoreve.
Koni De Winter e di mirë. Duke zgjedhur numrin 5 për aventurën e tij të re rossonere, ai pranoi sfidën e nderimit të një tradite që nis shumë kohë më parë.
Zgjedhja e numrit të fanellës për një blerje të re është gjithmonë një moment formal, por edhe e mbushur me pritshmëri dhe domethënie.
Lexo më shumë
Emocioni rritet kur numri i përzgjedhur është një prej atyre që kanë shënuar historinë e klubit. Ky është edhe rasti i Koni De Winter, i cili ka vendosur të veshë numrin 5, një simbol prestigji në traditën Rossonere.
Numri 5 i historisë së Milanit
Emri i parë që të vjen ndërmend kur mendon për numrin 5 të Milanit është ai i Alessandro “Billy” Costacurtës. Pesë herë Kampion Evrope, mbrojtësi që e lidhi pjesën më të madhe të karrierës së tij me këtë numër, fillimisht kur numri varej nga pozicioni në fushë dhe më vonë, me përcaktimin e tij të përhershëm në fillim sezoni, duke e bërë një tipar dallues të fanellës së tij Rossonere.
Por lista e interpretëve të mëdhenj është e gjatë: Cesare Maldini, Giovanni Lodetti, Mauro Tassotti, Filippo Galli, Karl-Heinz Schnellinger, Fulvio Collovati, Roberto Rosato, Agostino Di Bartolomei, Luigi Maldera, Stefano Nava, Frank Rijkaard, dhe madje edhe Paolo Maldini, i cili, edhe pse universalisht njihet i lidhur me numrin 3, e ka mbajtur numrin 5 në disa raste.
Gjatë viteve të fundit, ky numër ka kaluar nëpër shpaturllat e lojtarëve si Fernando Redondo, Emerson, Oguchi Onyewu, Philippe Mexes, Giacomo Bonaventura, Diogo Dalot dhe Fode Ballo-Toure. Kohët e fundit, shenjtëria e tij ndoshta është njollosur disi, veçanërisht në katër vitet e fundit.
Me ardhjen e Koni De Winter dhe vendimin e tij për të zgjedhur këtë numër historik dhe solemn, AC Milan dhe tifozët e tij shpresojnë që 5a të jetë përsëri sinonim i performancave të shkëlqyera dhe kapitujve të paharrueshëm të historisë Rossonere. Paç fat, Koni.
