Përse Morata është njeriu i duhur për Milanin: e shpjegon Fonseka

Milani ka humbur Olivier Giroud dhe ka vendosur të verë bast mbi Alvaro Moratën për ta zëvendësuar. Janë gjashtë vite diferencë mes të dyve dhe klubi është i bindur se mund të bëjë veçanërisht mirë me Paulo Fonsekën.

Në dy sezonet në të cilat portugezi ka stërvitur Lille, qendërsulmuesi titullar ka qenë i vlerësuar mjaft mirë. Jonathan David ka shënuar 23 gola në të dyja, duke u dëshmuar të jetë një finalizues i mirë në lojën e trajnerit që ulet sot në stolin e kuqezinjve. Karakteristikat e kanadezit dhe spanjollit nuk janë identike, por ky i fundit i përshtatet mirë profilit të sulmuesit që pëlqen Fonseca. Jo rastësisht, është zgjedhur si numri 9 i ri.

Morata ideal për Fonsekën: ja arsyeja

Në konferencën për shtyp të prezantimit të tij, trajneri i ri i Milanit ishte shumë i qartë mbi atë se çfarë kërkon nga qendërsulmuesit: “Nëse jemi një skuadër që do të luajë në 30 metrat e fundit, na nevojitet një sulmues që është i zoti të luajë pa hapësirë ​​në 30 metrat e fundit”. Ide të qarta, pra.

Ka nevojë për një qendërsulmues të aftë me topin ndër këmbë, që ta menaxhojë efektivisht kur presohet dhe të arrijë të komunikojë mirë me shokët. Sigurisht që Morata mund ta bëjë këtë gjë. Nuk e ka stërfuqinë fizike të disa kolegëve të tjerë në mbrojtjen e topit, por ka këmbë të “edukuara” me të cilat di të menaxhojë mirë edhe situata të komplikuara.

Të dhënat për pasimet e marra (53.3 dhe 26.3 për ndeshje) dhe kalimet në zonë (59.5 dhe 24.6 për ndeshje) të sezoneve të fundit në Atletico Madrid tregojnë se është i aftë ta bëjë mirë punën që do t’i kërkohet nga Fonseka. Është një sulmues që di të luajë brenda dhe jashtë zonës. Shumë tifozë nuk janë të bindur me vendimin për të investuar tek ai, por spanjolli është gati t’i bëjë që të ndryshojnë mendje.

Tashmë është e bërë. Morata ka përshëndetur Atletico Madridin të martën pasdite dhe më pas ka konfirmuar për El Partidazo de Cope se do të transferohet tek Milani pasi të ketë mbaruar vizitat mjekësore. Një investim prej 13 milionë euro plus taksat për kartonin, kuqezinjtë do t’i paguajnë Colchoneros atë që parashikohet nga klauzola çliruese. Për lojtarin është gati një kontratë katërvjeçare me vlerë rreth 4.5 milionë neto në vit. Fakti i njohjes tashmë me Serie A, falë përvojës së fituar tek Juventusi, do të jetë një avantazh.