Nuk ka më kohë! Asgjë nuk duhet normalizuar. Një akord që i bën të gjithë të lumtur. Real Madrid – Milan: historia në fushë

Ka të drejtë Alvaro Morata, koha e adaptimit ka mbaruar. Milani duhet të vendosë se çfarë dëshiron të bëjë këtë sezon, të përjetojë një vit me ulje-ngritje, apo më në fund do të marrë rrugën e duhur. Deri më tani, disa gjëra nuk kanë bindur, përtej rezultateve që mbërrijnë me shumë vështirësi, as loja e Milanit nuk është e mahnitshme. Pa folur për çështjet e brendshme që duhen zgjidhur për të mirën e ekipit. Një lojtar ekspert si Morata, përveçse nuk kërkoi justifikime për vonesën e akumuluar nga Milani në klasifikim, e përcaktoi edhe Rafael Leaon si lojtarin më të talentuar në skuadër, duke i dalë kundër edhe Fonsecës, i cili në të kundërt, kërkon ta “normalizojë” portugezin. E pra, të ulësh në stol lojtarin më të talentuar në skuadër nuk mund të jetë normale. Rafa nuk po kalon një moment të mirë, po, por duhet ndihmuar, sepse kur të rikthehet Leao i vërtetë do të përfitojë i gjithë ekipi.

Sonte, kundër Real Madridit, Rafa do të ketë një shans të madh që në minutën e parë dhe duhet ta shfrytëzojë. Ashtu siç bëri një vit më parë kundër PSG-së në Champions League, ndeshja e fundit në të cilën portugezi ka shënuar në Evropë. Duhet t’i hedhë tej retë që ka mbi krye dhe thashethemet që i irritojnë shpirtin, të rifitojë besimin në vetvete dhe të bëhet sërish ai lojtari vendimtar që të gjithë njohim. Bernabeu është skena më e mirë për ta bërë.

Do të jetë një ndeshje speciale kundër Carlo Ancelottit. Historia do të zbresë në fushë, plot 22 Champions League mes Milanit dhe Realit, dy skuadrat më futuese të të gjitha kohërave.

Milani e ka kuptuar se kanë ndër duar një perlë të vërtetë si Reijnders dhe ka ndërmend ta blindojë. Mesfushori holandez e ka tashmë një kontratë të gjatë por drejtuesit duan t’ia zgjasin edhe me një përmirësim financiar në dobi të vetë lojtarit. Zgjedhja për të hedhur hapin e parë duke telefonuar babain-agjent të Reijnders u vlerësua shumë nga familja e Tijjanit, dialogu ka nisur dhe deri në fund të vitit duhet të mbërrijë edhe shtyrja e kontratës deri në vitin 2030 por mund të firmoset vetëm duke filluar nga 1 korriku 2025. Lojtari do të ketë një përmirësim të konsiderueshëm në pagë, një lëvizje kjo për të larguar çdo pretendent të mundshëm. Si Barcelona ashtu edhe Manchester City kanë kërkuar informacion për Reijnders këto javët e fundit ndaj Milani veproi herët duke i paraprirë dhe shmangur ndonjë surprizë të pakëndshme.

Kapitulli i stadiumit, Milani dje ka paraqitur shprehjen e interesit për të blerë zonën e San Siros së bashku me Interin. Një akt kunddrejt Bashkisë së Milanos dhe kryebashkiakut të saj. Vlera e Agjencisë së të Ardhurave të zonës është afërsisht 200 milionë euro. “Një hap i mëtejshëm, i kryer së bashku me Interin, për të qenë në gjendje të eksplorojmë hipotezën e ndërtimit të një stadiumi të ri në San Siro”, tha Scaroni. Paralelisht, Djalli po punon gjithmonë për opsionin San Donato, i cili mbetet edhe si opsioni më i realizueshëm.