Dritarja verore e merkatos ka mbaruar dhe këtë periudhe flitet më shumë për fushën sesa për blerjet ose shitjet e mundshme më 2026. Por është një çështje shumë e ndjeshme që po i mban pezull gjërat në casa Milan: rinovimi i kontratave.
Nuk është sekret që te rossonerët është Mike Maignan i Milanit në skadencë kontrate në qershor 2026, e që është larg rinovimit. Sipas asaj që ka dalë deri më tani, negociatat nuk kanë rinisur ende, pasi palët duket se e patën arritur një marrëveshje në parim në fillim të 2025.
Tani, ka mundësi reale që portieri francez të largohet si transferim i lirë pas më pak se një viti. Shumë do të varet nga sforcimi ekonomik që klubi është i gatshëm të bëjë për ta mbajtur dhe edhe nga kërkesat e ish Lillës, i cili mbushi 30 vjeç në korrik dhe nuk do të ketë vështirësi për të gjetur një sistemim të ri nëse largohet.
Po Pulisic? Lajmet e fundit
Lexo më shumë
Një tjetër rinovim që Milan shpreson ta mbyllë është ai i Christian Pulisic, që skadon në qershor 2027. në akordin e firmosur në verën e 2023 ishte edhe një klauzolë që i lejonte klubit ta zgjaste kontratën deri më 2028, por objektivi është firmosja e një të reje me skadencë më 2029, ndoshta me një opsion për ta zgjatur deri më 2030. Natyrisht, është parashikuar edhe një rritje page: sot ish Chelsea përfiton rreth 4 milionë euro neto në vit, të cilat do të rriteshin në 5 (përfshirë bonuset).
Në videon e fundit në kanalin YouTube të Fabrizio Romanos, Matteo Moretto ka folur edhe për Pulisic dhe për situatën kontraktuale: “Në fillim të vitit 2025, Milan ishte shumë pranë rinovimit me Pulisic. Palët patën arritur një akord verbal dhe kontratat ishin gati për t’u firmosur. Situata ishte në rrugën e duhur, por më pas pati një frenim përpara firmave. Lojtari kërkoi kohë sepse donte të vlerësonte dhe kuptonte mirë se cili mund të ishte projektin sportiv Rossoner, pra zgjedhjet e trajnerit dhe të merkatos. Pulisic kërkoi garanci dhe ato erdhën”.
Eksperti sqaron situatën
Moretto ka shtuar detaje të mëtejshme dhe ka shpjeguar edhe se, për momentin, nuk janë planifikuar takime: “Pati një akord për një rinovim deri më 2028, me një opsion për vitin 2029. Paga tek 4.5 milionë euro neto në vit. Nga ai moment, negociatat nuk janë zhbllokuar ende. Milani dëshiron të rinovojë dhe do të bëjë gjithçka që mundet, lojtari i jep përparësi Milanit dhe është i kënaqur me kuqezinjtë. Palët nuk janë takuar ende për të diskutuar zgjatjen. Nuk ka ndonjë situatë të afërt; nuk mendoj se do të zgjidhet në javët e ardhshme, por më tepër në muajt e ardhshëm”.
Për Milanin, rinovimi i Pulisic duhet të jetë një përparësi. Përshpejtimi i procesit gjatë këtyre javëve do të ishte gjëja më e mirë për t’u bërë, edhe për t’u mbrojtur nga sulmet e mundshme më 2026. Është e vërtetë që klauzola që i lejon klubit zgjatjen deri më 2028 është tashmë një “mbrojtje”, por idealja do të ishte të arrihej një akord në kohë të shpejta. Fatkeqësisht, ajo e arritur në fillim të vitit nuk është formalizuar. Të shohim nëse palët do ja arrijnë një marrëveshjeje të re përpara fundit të 2025.
