Një lamtumirë e shpallur, humbje për të gjithë. Tani 100 milionë për të investuar: të kalojmë në fazën e dytë

Të vjen keq se si përfundoi me Theo Hernandez. Mbrojtësi më i frytshëm (për gola në kampionat) në historinë e klubit që largohet pas gjashtë sezonesh, një nga lojtarët më të rëndësishëm të viteve të fundit të Milanit, ka pranuar transferimin në Arabinë Saudite.

Arkëtimi i 25-30 milionë eurove vetëm në një sezon nga skadimi i kontratës nuk është aspak keq, shifra mund të qëndrojë. Megjithatë, këtu flitet se çfarë mund të kishte qenë Theo me Milanin dhe si u menaxhua ai gjatë këtyre muajve, kur kishte dobësi dhe vështirësi. Çfarë u bë për të rikuperuar një lojtar që për vite me radhë u etiketua si një nga mbrojtësit më të mirë anësorë në botë?

Të festosh sepse Theo u largua nga Milani është një humbje për të gjithë.

Është një histori që duhet të na mësojë se si të menaxhojmë kampionët, që ndoshta edhe lojtarët e mëdhenj duhet të ndiqen dhe ndihmuar në fazat down. Tani Theo do të marrë fyerje ose do të shfaqen narrativat e zakonshme të bazuara në bazë se si fryn era, kështu funksionon në futbollin social, por, të shohim se kush do të jetë zëvendësuesi dhe çfarë do të mund të bëjë ai te Milani. Mbrojtës, të djathtë dhe të majtë, kemi parë shumë, nga që janë bërë meteorë. Por Theo kishte vetëm një, në fund të fundit, është i vetmi që në gjashtë sezone realizoi plot 31 gola dhe 24 asiste.

Por faj ka edhe lojtarit, padyshim. Në moshën 27 vjeç, të pranosh Arabinë është një formë dorëzimi. OK, fiton 20 milionë në vit, por mund dhe duhej të kishte pasur një tjetër qasje. Është për të ardhur keq se si përfundoi. Për këtë, humbja është përgjegjësi e të gjithëve, e lojtarit dhe klubit.

Tani, Milani me shitjet e Theo, Reijnders dhe Kalulu ka 100 milionë për të shpenzuar mbi merkaton në hyrje. Janë shumë role për t’u përforcuar. Dy mbrojtës anësorë, dy mesfushorë, një sulmues dhe ndoshta edhe një qendërmbrojtës. Do të nevojitet e gjithë aftësia e Igli Tares për të shfrytëzuar sa më mirë burimet ekonomike e për ta bërë Milanin më konkurrues se kurrë këto vite, pas skudetos. Shitja e Theo dhe Reijnders nuk është një fillim i mirë, tani të shohim se si do të jetë pjesa tjetër e merkatos.

Xhaka është operacioni më i avancuar, Modric do të mbërrijë pas Botërorit për Klube me Real Madridin. Leoni është një objektiv në mbrojtje, por kushton shumë dhe mbi të gjitha ka konkurrencë. Në sulm po kërkohet një lojtar që ka përvojë në Serie A, dikush që është gati të kalojë menjëherë përkrah Gimenez-it.

*Opinionet e shprehura në këtë hapësirë nuk janë domosdoshmërisht qëndrimet e redaksisë