Ishte një herë Milani i francezëve: Mike Maignan, Theo Hernandez, Pierre Kalulu, Tiemoue Bakayoko dhe Olivier Giroud. Ishte vera e vitit 2021, me Paolo Maldinin në krye të zonës teknike, i shoqëruar nga Frederic Massara.
Ishte vera e lamtimirës me parametra zero të Gianluigi Donnarummës. Duket sikur ka kaluar një dhjetvjeçar, e megjithatë, kanë kaluar vetëm katër vjet.
Lamtumira e Donnarummës nga klubi ku u strehua ndodhi pikërisht më 2025. Ndërkohë, skuadra e Milanit ka pësuar një ndryshim të thellë: janë larguar francezët, kanë ardhur lojtarët nga – ose me origjinë – ballkanike.
Lexo më shumë
Dhe po flasim jo për emra dosido por për Ardon Jasharin, Luka Modric, Christian Pulisic dhe Strahinja Pavlovic.
Për ta kompletuar kuadrin, në cilësinë e drejtorit sportiv është sot Igli Tare: shqiptar… me pasaportë italiane, prej kohësh në shënjestër të Paolo Maldinit, para mbërritjes së Frederic Massarës.
Nga Milani i francezëve te Milani i Ballkanit
Ky ndryshim kursi nuk është vetëm gjeografik, por edhe teknik dhe kulturor. “Milani i Ballkanit” sjell në vetvete karakteristika të ndryshme: më shumë fizik, intensitet konkurrues dhe mentalitet luftarak, ndonjëherë në dëm të elegancës në fushë që e dallonte bllokun francez.
Një transformim që pasqyron strategjitë e reja të merkatos dhe nevojat taktike të një klubi të vendosur të ripërtërihet për t’u bërë përsëri konkurrues në Itali dhe Evropë.
Mbërritja e Luka Modric e ka forcuar më tej këtë trend të ri. Kjo falë edhe aurës së tij të lindur, e farkëtuar nga një e kaluar e lavdishme dhe një e tashme ende e nivelit të lartë.
Zërat e merkatos flasin tani për një Milan gati të ndërhyjë në repartin ofensive me një goditje shumë të rëndësishme, në gjendje për të ringjallur entuziazmin e tifozëve pas fushatës së shkëlqyer të blerjeve të orkestruar nga drejtori sportiv Igli Tare.
Ku i dihet, ndoshta qendërsulmuesi i ri i Milanit 2025/2026 mund ndajë pikërisht të njëjtat origjina gjeografike…
