Nga Theo te Rafa: ja të gjitha përmirësimet e kuqezinjve. Kurse besnikët e Milanit…

Puna e një trajneri nuk shihet vetëm nga titujt, edhe pse sidoqoftë bëhet fjalë për një trajner që ka mundur të rikthejë tringjyrëshin në bregun kuqezi të Milanos pas fitores së fundit të 2011-ës. Por Stefano Pioli ka fituar besimin e klubit dhe tifozëve edhe falë punës së bërë mbi vetë lojtarët. Disa prej tyre, besnikët e tij, kanë përftuar një përmirësim të vërtetë në karrierë nën drejtimin e trajnerit parmixhan.

Nga organika që Pioli trashëgoi në tashmë të largëtin 9 tetor 2019, kanë mbetur vetëm gjashtë elementë. Calabria, Caldara, Theo Hernandez, Bennacer, Kruniç dhe Leao. Një numër që zbret në 5, duke qenë se ish Atalanta nuk ka qenë asnjëherë në qendër të projektit rosoner. Janë pra pesë besnikë: të gjithë të përmirësuar falë Stefano Piolit.

Ndërkohë, Kalabria me Piolin është rritur aq shumë në pjekuri dhe eksperiencë sa ka arritur te shiriti i kapitenit. I përdorur, sipas nevojës, deri edhe si mesfushor i tërhequr në 4-2-3-1 apo si mesfushor i shtuar; nën drejtimin e ish trajnerit të Fiorentinës dhe Lacios, kapiteni ka zbritur në fushë në 129 ndeshje, me 6 gola dhe 12 asiste. I shkëlqyer pastaj edhe menaxhimi i Bennacer, i vlerësuar shumë nga Pioli dhe nga të gjithë tifozët kuqezinj: Ismaili me të u bë më i shpejtë dhe më vertikal, duke u përmirësuar edhe në leximin e lojës. Prezencat në fushë me trajnerin: 141, me 6 gola dhe 9 asiste.

Hapësirë ​​më pas për dy yjet e ekipit, domethënë për Theo Hernandez dhe Rafael Leao. Luzitani është rritur në mënyrë të çmendur: me të Pioli ka dozuar shumë mirë shkopin dhe karotën, derisa u bë top botëror… përveçse numri 10, e gjithë teknika dhe fantazia e ekipit. Paraqitjet me Piolin: 161 ndeshje, me 43 gola dhe 37 asiste në vitrinë. Kurse mbrojtësi francez përfaqëson ndoshta përmirësimin më të jashtëzakonshëm të trajnerit: me të në pankinë, Theo është shndërruar nga një djalë shpresëdhënës i shkollës së Real Madridit në një futbollist të jashtëzakonshëm. Tashmë transalpini konsiderohet si një nga mbrojtësit anësorë më të fortë në botë… për të mos thënë më i miri. 166 ndeshje, me 24 gola dhe 28 asiste.

Së fundi, përmirësimi më i nënvlerësuar: Rade Krunic. Shumë i përdorshëm për kauzën kuqezi, djaloshi në mënyrë të pashpjegueshme është sulmuar dhe kritikuar ashpër nga një pjesë e tifozëve. Pioli e ka mbrojtur gjithmonë dhe mbi të gjitha e ka përdorur… kudo: anësor i lartë (në të majtë dhe në të djathtë), mesfushor sulmues, mesfushor, mbrojtës i anësorë, mesfushorë përpara mbrojtjes me tre. Gjithkund pra. Edhe shifrat janë prej një besniku dhe shumë titullari: 127 paraqitje, me 3 gola dhe 6 asiste.