Në katet e larta të klubit të rrugës Aldo Rossi, po përgatiten të nisin një sezon të ri me shikimin e hedhur nga e ardhmja dhe qëllimin për të mos pasur më zhgënjime si ato të sezonit që sapo lamë pas krahëve. Pas një periudhe të vështirë që i pa Rossonerët krejtësisht jasht kompeticioneve evropiane, klubi ka vendosur të mbështetet në sigurinë dhe maturinë e Massimiliano Allegrit. Objektivi kryesor: të rindërtojmë një skuadër konkurruese, të aftë për të arritur objektiva të rëndësishme si në nivel kombëtar ashtu edhe ndërkombëtar. Allegri, një njohës i vjetër i klubit milanez, e ka treguar edhe në të kaluarën se di si t’i përballojë presionin dhe pritshmëritë dhe tani është thirrur të përsërisë ato suksese me një organikë të re.
Lëvizje strategjike në mesfushë
Ideja qendrore e projektit të teknikur Livornez, siç zbulohet nga kolegët e të përditshmes së njohur sportive Corriere dello Sport, është të krijojë një “instant Milan”, pra, një skuadër të gatshme për të qenë menjëherë konkurruese. Për të arritur këtë objektiv, trajneri ka identifikuar mesfushën si epiqendrën e lojës dhe të strategjisë së tij të re. Lëvizjet e merkatos janë përqendruar në lojtarë me përvojë si Luka Modric dhe Adrien Rabiot, të cilët mund të garantojnë cilësi dhe vizion loje. Kroati, me klasin dhe eksperiencën e tij ndërkombëtare, përfaqëson një përforcim shumë të rëndësishëm, ndërsa francezi, më i ri por tashmë i afirmuar, do të shtonte dinamizëm dhe fizik. Allegri është i vendosur të ndërtojë një skuadër të fortë dhe të mirëorganizuar, të aftë për t’u përballur me sfidat që sezoni i ardhshëm do t’i rezervojë.
Lexo më shumë
Pritshmëritë për sezonin e ri
Në prag të grumbullimit të skuadrës, planifikuar për më 7 korrik, Allegri tashmë po punon për të përcaktuar çdo detaj të përgatitjes. Vëmendja e tij ndaj detajeve dhe aftësia për të motivuar lojtarët do të jenë elementët kyç për suksesin e Milanit. Kjo qasje e kujdesshme synon të shmangë gabimet e së kaluarës, të cilat e çuan klubin në një sezon zhgënjyes. Rikthimi i trajnerit livornez i ka dhënë sërisht entuziazëm ambjentit Rossoner, me tifozët që shpresojnë për një rikthim në majat e futbollit evropian. Me një miks përvoje dhe të rinjsh, Milani i ri po përgatitet për të qenë protagonist, duke synuar të pushtojë përsëri një vend midis të mëdhenjve të futbollit evropian. Sezoni i ardhshëm shihet si një mundësi për shpagim, me Allegrin e vendosur ta rikthejë klubin drejt suksesit.
