Conceicao ka një “problem të ri” te Milanello: lojtari i kuqezinjve ka kaluar nga një premtim i madh në një dështim të madh. Ja çfarë po ndodh
Ardhja e Sergio Conceicaos në pankinën e Milanit pati ngjallur entuziazëm të madh, sidomos pas fitores së jashtëzakonshme në Superkupën e Italisë ndaj Interit. Skuadra dukej se kishte gjetur një energji të re dhe trajneri portugez pati lënë përshtypjen se mund ta rikthente klubin në majat e futbollit.
Sidoqoftë, problemet në shtëpinë kuqezi duken se janë ende larg zgjidhjes. Ndeshja kundër Cagliarit, në San Siro, ishte një provë e qartë e kësaj, me Milanin në vështirësi shumë të mëdha për të imponuar lojën e tij dhe duke parë fitoren t’i rrëshiste prej duarsh drejt një barazimi zhgënjyes. Skuadra vazhdon të jetë e paqëndrueshme dhe Conceicao do të duhet të punojë shumë për të gjetur ekuilibër dhe stabilitet.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
“Problem i ri” për Conceicaon në Milanello
Ndërkohë, një tjetër problem ka lindur në Milanello: një lojtar që dukej i destinuar të shndërrohej në një premtim të vërtetë, i ka zhgënjyer pritshmëritë, duke u kthyer në një dështim të vërtetë, të paktën deri tani. Situata e tij po gjeneron diskutime mes tifozëve dhe jemi të sigurt se po krijon dyshime edhe te Conceicao, i cili, i gjendur në një fazë tanimë shumë delikate të sezonit, do të duhet të përballet me një problematikë tjetër në Milanello, jo edhe aq të lehtë për të zgjidhur.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Nga premtimi në dështim, rasti i rradhës në Milanello
Pavarësisht një debutimi premtues që e pa të luante në të gjitha fushat e Serie A dhe Champions League si titullar, madje duke kontribuar edhe me një gol, prania e tij në fushë është tkurrur në mënyrë drastike me kalimin e kohës. Investimi prej 20 milionë eurosh i bërë nga Milani për ta siguruar lojtarin tani po ngre disa dyshime. Pavlovic, dukej se kishte gjetur menjëherë hapësirën e tij në zemër të mbrojtjes kuqezi dhe tifozëve të tij, duke u dalluar për vendosmërinë dhe vullnetin e tij. Goli i shënuar në Olimpico përfaqësoi kulmin e fillimit të sezonit ku gjithçka dukej se po shkonte nën drejtimin e duhur për lojtarin serb. Megjithatë, vendimi i ish trajnerit Paulo Fonseca për t’u mbështetur më shumë te Malick Thiaw dhe Matteo Gabbia e ka reduktuar gradualisht hapësirën në dispozicion të Pavlovic. Me ardhjen e Sergio Conceicaos në pankinën e kuqezinjve, situata duket se nuk është përmirësuar dhe hyrja e fundit si titullar e mbrojtësit daton disa muaj më parë, e pasuar vetëm me prezenca sporadike. Milan ka filluar të tregojë shenja zhgënjimi për shumën e madhe të investuar mbi Pavlovic, dhe tani po kërkon përforcime të reja në mbrojtje. Për shembull, po konsiderohet marrja e Walker nga Manchester City, për të forcuar rolin e mbrojtësit të djathtë dhe atij qendror, një zonë në të cilën tashmë ishte investuar mbi Emerson Royal. Në të njëjtën kohë, po shfaqet interes për Mosquera të Valencias, shenjë kjo se performancat e Pavloviç nuk i kanë bindur plotësisht drejtuesit rosonerë.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
E panjohura e së ardhmes
Pavarësisht vështirësive aktuale, e ardhmja e serbit në klubin milanez ende nuk është përcaktuar. Ndoshta mund të synohet edhe shitja e tij në merkaton e ardhshme të verës, përveç se nëse Conceicao vendos t’i rivlerësojë cilësitë e tij. Aventura milaniste e Pavloviç, pra, mund të marrë drejtime të reja, por tani për tani ajo mbetet një pikëpyetje e madhe, nën vëzhgimin e kujdesshëm të trajnerit dhe klubit.