Drejtori sportiv kuqezi, është vazhdimisht në kërkim të një qendërsulmuesi prej shumë golash dhe me peshë të madhe, në këtë seancë të merkatos veror. Ja kë ka në listën e tij DS shqiptar
Një bomber ‘alla Giroud’, me karakteristika të ndryshme nga ato të Santiago Gimenez, deri tani i konfirmuar në skuadër, por që megjithatë të mund të konkurrojë fort me sulmuesin meksikan për një fanellë titullari. Është kjo që është zbuluar nga kolegët e të përditëshmes së madhe sportive ‘Tuttosport’ të cilët theksojnë se, midis misioneve të Milanit në këtë merkato verore, është edhe gjetja e një qëndërsulmuesi të ri, e një punte që do të ishte njëkohësisht edhe pikë referimi e skuadrës së Massimiliano Allegrit.
Merkato, cilin sulmues për Milanin e Allegrit dhe Tares?
Emrat në tavolinën e Milanit, profilet që i pëlqejnë Allegrit dhe drejtori sportiv Igli Tare, janë të shumtë. Ëndrra do të ishin Viktor Gyokeres (Sporting Lisbonës), Victor Osimhen (Napoli) dhe Benjamin Sesko (RB Leipzig). Pëlqehet gjithashtu edhe Darwin Nunez, për të cilin, megjithatë, Liverpool po i kërkon 65-70 milionë euro Napolit.
Në shënjestër edhe Moise Kean, i cili, duke filluar nga nesër, mund të blihet nga Fiorentina, thjesht duke paguar klauzolën çliruese prej 52 milionë eurosh (po e mendojnë fort arabët e Al-Qadsiah), si dhe Mateo Retegui. Për të cilin, megjithatë, Atalanta kërkon të paktën 40-45 milionë euro. Atëherë? Kush mund të shkojë te Milan? Rasmus Hojlund i Manchester United vlen pak a shumë të njëjtën shumë.
Vlahovic për tani nuk është në listë. Por ndoshta pas pak kohe…
Emrat më të mundshëm si Aleksandr Mitrovic (Al-Hilal), Vangelis Pavlidis (Benfica), Tolu Arokodare (Genk) dhe Georges Mikautadze (Olympique Lyon). Së fundmi është edhe Dusan Vlahovic (Juventus). Deri më sot, duket se nuk është në listën e Tares dhe Allegrit. Por pas një muaji, ndoshta…
