Nëse dështon, ka telashe. Milan: një rinovim shumë i rëndësishëm. Indicia për Theon nga Franca

Me mbylljen e ndalesës së tretë për shkak të kombëtareve, fillon një periudhë ndeshjesh mjaft vendimtare e pa ndalesë, deri në muajin mars. Milani e nis menjëherë me big match në San Siro kundër Juventusit, një ndeshje shumë delikate sepse tashmë është krijuar vërtetë një hendek i madh. Le t’i shihim dy variantet e rezultatit. Nëse Milani mposht Zonjën e Vjetër, do rilançohet në klasifikim, duke shkurtuar distancën me Bianconerët, në rast të një KO ata do të shkojnë -9 pikë pas Juves. Një humnerë (edhe pse është edhe e famshmja ndeshje kundër Bolonjës për t’u rikuperuar). Kjo është edhe arsyeja kryesore se pse këto ditë në Milanello janë shumë të rëndësishme, nuk mund të gabohet më, qoftë edhe me një pikë. Sepse janë shumë pikët e humbura rrugës tashmë dhe një tjetër humbje do ta fuste Djallin në telashe serioze. Milani nuk mund të humbasë përplasjen direkte me skuadrën e Thiago Mottës. Është një ndeshje shumë delikate edhe për klasifikimin, edhe për bindjet e skuadrës kuqezi.

Reijnders është në negociata rinovimi kontrate me Milanin. Ky është një lajm shumë i bukur sepse po flasim për një nga lojtarët më të talentuar në skuadër dhe një nga mesfushorët më cilësorë në Evropë. Milani ishte i shpejtë për paraprirjen e situatës, kundër konkurrencës kur e bleu një vit më parë nga Az Alkmaar dhe ishte i shpejtë në propozimin e një rinovim me përmirësim të ndjeshëm financiar kur atëherë kur ndjenë sirenat e rrezikut që binin nga bigët e tjerë evropianë, veçanërisht nga Premierleague. Në fakt, për Reijnders, kanë kërkuar informacion disa klube të pajisura mirë financiarisht por vullneti i lojtarit është i qartë: do të të shihet te Milani edhe gjatë viteve të ardhshme. Lajm i mirë. Mbajtja e më të mirit është gjithmonë një avantazh.

Theo Hernandez është i lodhur mendërisht, luan shumë dhe pushon rrallë. Për këtë ka folur edhe trajneri i Francës, Didier Deschamps, që ka dhënë edhe një udhëzim të rëndësishëm për t’u ndjekur. Nuk është problem fizik por psikologjik. Theo i luan të gjitha dhe shpesh nuk arrin të “resetohet” mes një ndeshje dhe një tjetre, lodhja mendore shpesh e tejkalon atë fizike. Do të ishte e dobishme t’i jepej pak më shumë pushim, por këtu i kthehemi pyetjes së famshme: a ka te Milani zëvendësues adekuat për t’i mundësuar francezit një rotacion adekuat. Pra, në thelb, Theo është i detyruar t’i luajë të gjitha dhe jo gjithmonë ruan një nivel të lartë përqëndrimi dhe cilësie në paraqitjet e tij. Për më tepër, bëhet fjalë për një lojtar që arrin të japë më të mirën kur është mirë, kur arrij t’i çlirojë të gjitha fuqitë e tij, e nëse Theo nuk është në maksimum ai shndërrohet në një lojtar thjesht normal. Dhe kjo duhet shmangur. Sepse është ndër më të mirët në rolin e tij. Paralajmërimi i dhënë nga Deschamps nuk mund të injorohet për të ardhmen.