Muskuj, Teknikë dhe… Atribute

Këtu askush nuk fshihet

Milani është shumë aktiv në merkato. Pas zyrtarizimit numrin tonë të ri 7 (duke lënë 9-shin të lirë… me shpresën se një erë gjermane mund ta veshë), Alvaro Morata, Kampioni i ri i Evropës, Milan hedh vështrimin dhe vazhdon me ngulm punën për rolet e tjera. Ideja është ajo e një Milani që nuk është vetëm teknikisht i fortë, por edhe muskuloz.

Objektivi kryesor në mbrojtjen qendrore është hamshori i Salzburgut, Pavlovic, një 191 cm brutal me ligësi së pastër konkurruese. Ndërsa në mesfushë, pavarësisht disa paqartësive dhe zërave të zhurmshëm të përhapur dje, objektivi vazhdon të jetë Fofana, një tjetër digë, i kërkuar nga Fonseka, me të cilën Milani po negocion me Monacon, falë kontratës që francezit i skadon pas 1 vit dhe falë po-së së lojtarit për projektin e Milanit. Dhe, siç u thamë, tani duhet vëmendje për numrin 9, i cili mbeti i lirë pavarësisht ardhjes së së kapitenit spanjoll. Ajo 9 që mund të vishet nga Fulkrug, sulmuesi i fortë gjerman. Me pak fjalë, një Milan që po e formëson skuadrën me karakteristika mjaft të dukshme. Në të gjitha këto, duket Fonseca i ka bindur njerëzit në Milanello me idetë e tij. Fonseca, i cili konsiderohej nga shumë njerëz si një trajner jo për Milanin. Megjithatë, Fonseca, në vetëm 2 javë, me një përgjigje të thjeshtë, po tregon se paska edhe disa atribute që nuk ia patën vërejtur. Kur u pyetën se cili është objektivi i sezonit, përgjigja ishte e thjeshtë por precize si një çokollatë e Clarence Seedorf, ishte: “Jam këtu për yllin e dytë”.

Futbolli nuk është shkencë ekzakte, ndaj është e kotë të thuhet se kemi sigurinë që do të fitojmë skudeton, as sigurinë të themi se nuk do ta fitojmë, sigurisht që trajneri nuk fshihet. Ka atributet, guximin, gjoksin, për të bërtitur, jam këtu për yllin e dytë. Pa frikë. Dhe pa frikë mund të themi se zoti Antonio Conte, i cili si një vejushë e mirë e lënë në altar nga Milani (sepse realiteti ishte se ishte më shumë Conte që donte Milanin sesa anasjelltas, sado që disa nuk e besojnë, është kështu) nuk humbet kohë për të shigjetuar klubin kuqezi. Por trajneri leçez, i cilësuar nga të gjithë si sinonim i një projekti fitues dhe serioz, i pyetur se cili është objektivi sezonal, përgjigjet se është hyrja në top 4. Por, si? Në Top 4? Po a nuk ishte kampioni absolut?

Për një trajner me 1 ndeshje në javë, me të shkuarën e tij, me kërkesat e tij në merkato, me tërheqjet e tij, do të prisja të paktën një përqindje minimale të dëshirës për të fituar skudeton. Por jo, nuk i kanë atributet për ta thënë. Në të vërtetë, për të në nivel fizik, të kesh 1 ndeshje në javë është mirë, por jo aq e favorshme, sepse sipas trajnerit salentin, nuk mund të kesh një ekip për Champions League me lojtarë Championsi. Qëndrim klasik i dikujt që nuk ka atribute. Fonseka nuk i ketë trofetë e Conte, por ajo që ka rëndësi është e tashmja. Fonseca është tek Milani, ai dëshiron të fitojë skudeton dhe po përpiqet të krijojë, bashkë me klubin, një skuadër që të mund të fitojë kampionatin. Duke mos u fshehur pas frazave klasike, duke u ekspozuar në mënyrë të rrezikshme, por guximtare. Pra, po, mund ta themi me zë të lartë, me mirë Paulo Fonseca, trajneri ynë. Për një Milan me shumë muskuj, teknikë dhe…. Atribute!