Sipas asaj që mësohet nga redaksia e Milanistat.com, konfirmohet programi i Alvaro Moratas për nesër: spanjolli nesër do t’i nënshtrohet vizitave mjekësore në Madrid, i shoqëruar nga një përfaqësues i stafit mjekësor të Milanit; do të ndiqet, gjithnjë në Madrid, nga Giorgio Furlani, CEO i klubit kuqezi dhe ndërmjetësi i negociatave për klubin kuqezi, avokati Beppe Bozzo, për firmën në kontratë.
Morata, pra, do të firmosë një akord me Milanin për katër vitet e ardhshme (plus një opsion) me pesë milionë euro në sezon plus bonuse, duke iu afruar kështu të njejtës pagë që përfton aktualisht nga Colchoneros.
Marrëdhënia mes Alvaro Moratës dhe tifozëve të Atletico Madridit, ashtu si dhe me një pjesë të tifozerisë spanjolle, rrezikon të mbyllet në një mënyrë jo shumë pozitive. Gjatë javëve të fundit kapiteni i Spanjës nuk e ka fshehur asnjëherë bezdinë e tij për kritikat e vazhdueshme të marra në atdhe për rendimentin e tij me Colchoneros në pjesën e dytë të sezonit (pavarësisht 21 golave të shënuar, rezultati më i larti i karrierës së tij) dhe me tifozët e “Furie Rosse” (pavarësisht se është një nga golashënuesit më të mirë në historinë e kombëtares së vendit të tij).
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Dhe një sagë e re e përplasjes mes Moratës dhe tifozëve është përjetuar edhe gjatë natës së mbrëmshme nëpër rrjetet sociale. Pas festimeve të mëdha për fitoren e Kampionatit Evropian në Madrid, në të cilat qendërsulmuesi ishte një nga më të ‘çmendurit’, një tifoz i Atleticos e komentoi kështu në Instagram lajmin për transferimin e afërt të Moratas tek Milani: “Kaq shumë për flamurin e Atletikos, por shkon në Milano”. Alvaro pati deklaruar dashurinë e tij për Colchoneros disa javë më parë, duke refuzuar ofertat nga Arabia Saudite. Por më pas erdhi propozimi i Ibrahimoviçit dhe Milanit, ofertë që nuk mund të refuzohej. Morata i është përgjigjur me pikëllim komentit të përdoruesit social si vijon: “Tani nuk mund t’u largokam, pas Dortmundit të gjithë donit të më përzinit”. Kjo raportohet nga Relevo.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
