Modric, teste fizike të habitshme: ja pse 40 vjeç, ylli i Milanit, po performon kaq mirë në moshën

Mesfushori kroat Luka Modric, klas 1985, iu bashkua Milanit si lojtar i lirë – pas plot 13 sezonesh te Real Madridi – në dritaren e fundit të merkatos verore. Ndikimi i tij në botën e kuqezinjve? I papritur, pothuajse një zbulesë.

Po, sepse, pavarësisht 40 viteve të tij, fiziku i Modric – klasi pafund i të cilit me topin është jashtë çdo diskutimi – mbahet shkëlqyeshëm, siç e dëshmojnë edhe testet fizike. Sipas tyre, Modric ka fluiditetin e vrapimit të një të riu, ashtu si edhe qëndrueshmërinë dhe aftësinë e rikuperimit.

Lexo më shumë

Gimenez, konfirmohet besimi: El Bebote, në Udine për revansh

Tare në Mediaset: “Çfarë emocioni të rikthehem në Olimpico. Jashari? Kemi besim të madh te ai. Për rinovimin e Sul Maignan ju them që…”

Milan apo Jo Milan? Galliani: “Unë në San Siro? Për Modric. Jam thjesht një tifoz”

Cardinale shet Milanin, pronari i ri, amerikan: njoftimi shock

Capello: “Nuk e kam parë kurrë të luajë kështu…”

Milan, Modric mahnit çdo ditë e më shumë

Entuziazmi për lojën, dashuria për futbollin dhe pasioni i tij për punën e kontribuojnë për ta mbajë aktiv dhe të gjallë, por, ekziston edhe një komponent ngushtësisht fizik. Konstrukti i tij e ndihmon në “konservimin” e mirë dhe kujdesi që ai tregon për trupin bën pjesën tjetër.

Për shembull, para dhe pas stërvitjes me ekipin, Modric kryen një rutinë nxemjeje dhe rikuperimi që e ndihmon në ruajtjen e formës. Pastaj, ushyerja dhe zakonet e mira të kultivuara gjatë viteve, bëjnë pjesën tjetër. Dhe minutazhi i tij është rritur karshi atij të sezonit të fundit me Real Madridin.

Me Milanin luan më shumë sesa në Madrid

Deri më tani, me Milanin, ka qëndruar në fushë 70% të minutave të luajtura prej Rossonerëve. Vitin e kaluar, me Los Blancos, në proporcion ishte më pak se 50%. Kur luan, ai magjeps dhe ka ndikim të madh: asist në Lecce për Ruben Loftus-Cheek, goli-fitore kundër Bolonjës. Por edhe me prekjet e jashtme, me vertikalizimet, impostimin e lojës dhe përkushtimin e tij të madh në fazën mbrojtëse.

Nëse Rossonerët, sot, mund ta shijojnë këtë Modric, është sepse për të, – faktikisht – loja, është konseguencë e mënyrës se si i qaset stërvitjes: që kur është në Milano, nuk ka humbur asnjë seancë stërvitore dhe bashkë me trajnerin Massimiliano Allegri dhe stafin e tij, përkujdeset për çdo detaj. Duke shpresuar ta shtyjë sa më shumë që të jetë e mundur datën e tërheqjes së tij.